2008 YEAR-END REPORT

It's that time of the year again... I'm sure simula ngayong araw na ito, marami nang maglalabasan sa blogosphere ng mga yearender posts ng mga tao. Hindi ako magpapahuli, at makikisali ako.

Last year, during these times, uso yung mga manghuhula na nagbibigay ng prediksyon sa mga taong pinanganak sa kanilang zodiac signs. Ang karamihan sa sabi nila, na ang mga taong katulad ko na ipinanganak ng year of the dog eh hindi masyadong papalarin ngayong taon.

Actually, maniniwala na sana ako, dahil honestly I really didn't start the year right. I hated my job, and after leaving it, was jobless for a few months. Ala talaga... feeling ko, wala akong pag-asang makarecover.

Pero nung dumating yung second half of the year, things started to pick-up. So ngayon, nais kong ilista ang 5 highlights ko ngayong taon.

5. BLOG HITS
Believe it or not, wala talaga akong pakialam sa numbers. Pero noong time na wala pa akong trabaho, itong blog na ito talaga ang pinakanakakuha ng mga benepisyo. Dati, hindi ko magawang sulatan to. Pero ngayon... Actually, natutuwa ako, na kahit iisa pa lang ang talagang blogger na nakita't nakausap ko, eh dito sa blogosperyo eh marami akong naging kaibigan. Na kahit walang kakwenta kwenta kong opinyon eh binabasa at kinokomentuhan ninyo. Maraming salamat, nakakataba ng puso yung simpleng malaman mo na may nagbabasa ng post mo. Nung isang araw nga, di matanggal yung ngiti ko sa mukha, nung makita kong, sinearch sa google itong blog ko.

4. CARLSON MOMENTS
Carlson ang pangalan ng account na hinawakan ko as a Supervisor noong isang taon. At kahit na mahigit na isang taon na akong wala sa kumpanyang pinagtatrabahuan ko, eh minsan lang akong maging absent sa mga moments at celebrations na nagaganap. Laging masaya yung mga araw na lumalabas kami, sabihin nating, manunuod lang ng A Very Special Love o kaya'y inuman at videoke. O kaya'y tambay lang sa Food Choices sa Glorietta, memorable na sakin yun. Dahil siguro sobrang malalapit na sa puso ko ang mga naging katrabaho ko noon, kaya't hanggang ngayon eh hindi pa rin kami tuluyang maka move-on kahit wala na kami sa Carlson. Mamaya, reunion namin... malamang madaming happening nanaman dito sa bahay ulit.

3. BUSINESS CLASS
Nakasakay na ako ng eroplano, maraming beses na. Pero, noong August 23, noon palang ako nakasakay sa Business Class Seats ng isang eroplano. Oo na't karamihan ng inihanda saming pagkain ay puros keso. Nakakatuwa kasi at least hindi Goldilocks mamon at Zest-O ang kinain namin sa buong biyahe patungong Australia. Tsaka may free movie pa. Sobrang nakakaaliw. Parang pagkatapos nun, ayoko na ulit sumakay ng hindi business class.

2. DAY ONE SA BAGO KONG WORK
Kung nasubaybayan ninyo ang blog kong ito ngayong taon, alam ninyong sobrang torn ako sa trabahong pinagpipilian ko. Iba talaga ang gusto kong pasukan na trabaho noon, at nang mag-unang araw ako sa Kumpanya ng Langis na pinapasukan ko ngayon, hindi ko iniisip na tatagal ako doon ng mahigit sa isang linggo. Hinihintay ko lang ang tawag sakin nung Marketing Company na gusto ko talagang pasukan. Pero bago pa man matapos ang unang araw ko doon, may pangyayaring talagang magbabago ng isip ko. "the 4 of you have been chosen to do the training in New Zealand."

1. NEW ZEALAND
Halos isang buwan din ang pinalagi ko sa bansang iyon. Pero sobrang napamahal na ako doon. Lahat ng tao ay friendly. Ang linis ng paligid. Ang sarap ng Ice Cream. Ang lamig!!! Sabihin man nating ang snow lang na nakita ko, eh yung sa bundok sa kalayuan, kahit na winter noong dumating kami doon, eh ayos na yun. Hindi matatawaran ng anumang bagay sa mundo ang mga naranasan ko sa bansang iyon. Hanggang ngayon, sariwa pa rin sa isip ko lahat ng nangyari sa amin sa loob ng 24 na araw ng pananatili namin sa Aotearoa (lumang pangalan ng New Zealand). Dapat kasi nag TNT na lang ako doon. Lolz

Anim na araw na lang at matatapos na taong ito. Sobrang excited ako sa mga mangyayari sa akin sa susunod na taon. Sana maging kasingbait sa akin ng 2008 ang 2009