Mga Sumasampalataya

Jun 22, 2011

NAAALALA MO PA BA NOONG NAGSUSULAT KA

Hindi ako masyadong napapaikot sa mundo ng blogosperyo, pero minsan may manaka-nakang mga post na nagpapaalala sa akin kung bakit ko minahal ang mundong ito.

Nakakatuwang magbasa ng mga blog ng kabataan, dahil naaalala mo kung paano ka rin dati. Ewan ko kung dahil ba ito sa edad ko, o dahil iba na ang kalagayan ko ngayon.

Medyo matagal na rin akong di nakakapagsulat ng mga napapansin ko sa mga makabagong manunulat. Pero gaya ng sabi ko noon, parang cycle lang ang blogging. Umiikot. Umuulit. Iba nga lang ang nagsusulat.

Naaalala mo pa ba noong nagsusulat ka.

ANG LUNGKOT NG BUHAY DAHIL SINGLE AKO
Nalulungkot ka tuwing umuulan. Nalulungkot tuwing Pasko. Umiiyak kapag araw ng mga puso. Nagsummer vacation ka mag-isa kaya depressed ka. Nagbibirthday ka at ang nag-iisang hiling mo ay ang magka girlfriend o boyfriend. Ang goal mo tuwing bagong taon ay magkasyota. Ang buong mundo mo ay hindi iikot hangga't single ka. Magpapakaplastic ka minsan, at sasabihin mo masaya ang single blessedness, pero ilang linggo matapos, ay magmumukmok ka dahil mag-isa ka.

ANG SAYA NG BUHAY DAHIL MAY SYOTA/ASAWA AKO.
Ipopost mo ang anniversary ninyo. Ipopost niyo ang monthsary ninyo. Ipopost mo ang weeksary niyo. Ipopost mo ang daysary ninyo. Ipopost mo pag nag-away kayo. Ipopost mo kapag nagkabati kayo. Ipopost mo kapag namimiss mo siya. Ipopost mo ang dates ninyo. Ipopost mo yung pagmamahal mo sa kanya. Medyo nakakasuka. Pero mahal mo, bakit ba. Oo. Ako yan.

WALA NANG NANGYAYARING MAGANDA SA BUHAY KO.
Magkukwento ka ng kwentong masalimuot tungkol sa buhay mo. Kung ano ang hirap na dinanas ninyo. Kung paano ka niloko at iniwan ng minamahal mo. Magkukwento ka kung paanong sinira ang buhay mo ng bulok na sistema ng bahay niyo, eskwela, trabaho o pamahalaang Arroyo at Aquino. Hindi ka nakikinig sa mga nagsasabing maganda ang buhay. Ikaw lang ang may karapatang magdrama sa mundo. At kapag may nagbibigay ng payo na hindi mo gusto, gigyerahin mo ito.

IKAW NA ANG TAMA. IKAW LANG.
Ikaw na ang nagbibigay ng tips kung paano maghandle ng pag-ibig. Kung anong klaseng girlfriend/boyfriend ang dapat hanapin ng mga mambabasa mo. Nagbibigay ka ng payo kung paano maghandle ng hiwalayan. Ng away ng mag-asawa. Minsan pa nga, gumagawa ka ng post para sagutin lahat ng tanong ng mga mambabasa mo. Ikaw na si Charo Santos Concio ng blogging. Pero sa totoo, disi-otso ka lang at di pa nagkakasyota.

IKAW NA ANG GUSTONG SUMIKAT.
Aktibo kang magkumento sa mga tahanan ng mga sikat na blogger hoping na yung mga nagbabasa doon ay mapapadaan din sa bahay mo ang mga mambabasa nito. Gumagawa ka ng kung anu-anong pautot masabi lang na in ka. Makikijoin sa mga tag na post ng iba. Gagawa ng kung anu-anong badge para sa kanila. Mamimigay ng award. Ililink mo lahat lahat sila kahit hindi mo binabasa. Magsusulat ka ng kung ano ang in. Makikisawsaw sa isyu o sa mga nagbablog war. At araw araw kang nagsusulat para ikaw ay sumikat.

IKAW NA MAHILIG UMINOM NG SPRITE.
Ikaw yung nagpapakatotoo. Yung isusulat ang tunay na damdamin mo. Wala kang pakialam kung may nagbabasa o wala ng mga sinusulat mo. Minsan isang sentence lang ang ipapublish mo. Hindi mo hangad na magkaroon ng bagong kaibigan. Ng syota. Ng kung ano pa man. Basta nagsusulat ka dahil dun ka masaya. Minsan ikaw lang nakakaintindi sa mga sinusulat mo. Pero ikaw yung gustong kaibiganin ng mga tao. Mayroong kokontra sa mga paniniwala mo, pero dedma ka lang dahil nirerespeto mo ang opinyon ng ibang tao.

********************

Ang dami nang nagsusulat sa mundo. Nakakatuwa kadalasan. Nakakainis at nakakalungkot kung minsan. May mga pagkakataon na gusto mong ihinto pero nahihirapan kang tigilan.

Masaya eh. Nakakatanggal ng stress.

Ang hirap iwan.

Ikaw, naaalala mo ba noong nagsusulat ka? Sino ka sa kanila?

Jun 15, 2011

KWENTONG TATAY KO

Dahil nalalapit na ang Araw ng mga Ama, eh nais ko nang maunang magpost tungkol dito. Tsaka baka mawala pa yung mga naiisip kong isulat kapag pinatagal ko pa ito.


Hindi ako masyadong close sa tatay ko dahil lumaki ako na ang nanay ko madalas ang kasama ko, dahil labingdalawang taon din siya sa Saudi nagluluto bilang isang cook. Wala ako masyadong alaala sa kanya noong bata pa ako, dahil kadalasan nga eh nasa ibang bansa siya, at kung andito naman siya sa Pilipinas, kadalasan ay dun siya sa probinsya namamalagi. Sa tingin ko, alam naman niya ang mga pagkukulang niya kaya nung nagdesisyon siyang magretiro, eh bumawi naman siya sa akin. Siya ang naging tagahatid ko sa eskwela buong high school ko, at tuwing meron kaming di pagkakasundo ng nanay ko, sa akin siya kumakampi. Wala lang... Pero ang tatay ko, mas nakikilala ko ngayon...

*************
Frustrated singer yang tatay ko. Gabi-gabi nagcoconcert yan. Tipong mula alas onse hanggang ala-una ng madaling araw. Ewan ko, kaming 3rd generation sa angkan namin eh halos lahat marunong kumanta, hindi nga lang namin alam kung saan namin nakuha yung talentong iyon, kasi judging sa boses ng mga magulang ko... wala talaga. Ang tatay ko boses syokoy na paos!!! Basta masakit sa tenga pakinggan boses nun, pero pag nagcoconcert siya kelangan talaga nakafull speaker. Kaya minsan putol ang tulog ko. Mahilig pa yan, pag may bisita, siya mamimili ng ipapakanta sa mga pinsan/pamangkin ko, pero pag ayaw nila siya kakanta... kesehodang Strangers In the Night pa yan o kaya'y Hit Me Baby One More Time ni Britney. Buti na lang mababait mga bisita... at mga kapitbahay namin.

**************
Ang tatay ko, siguro nasa Top 100 na fans ni Manny Pacquiao. Meron siya lahat na pirated na DVD ng lahat ng laban ni Pacquiao, kahit simula pa nang mukhang uhuging bata pa si Manny, meron siya. Hindi talaga siya papatalo sa mga pumupuna sa kanya. Muntik na nga niyang isumpa yung pinsan ko dati nang sabihin ng pinsan ko na luto ang laban ni Pacquiao at ni dela Hoya. Palagi pag may bisita kami, kung hindi nakasaksak yung Magic Sing, ang dibidi ng huling laban ni Pacquiao ang palabas sa tv namin. Kahit pa puros babae ang bisita. Noon pa ngang hindi pa ako bumibili ng sarili kong dvd player eh lagi kami nag-aagawan ng ipapalabas. Naaalala ko pa nga na inggit na inggit siya nang malaman niyang nakapasok yung nanay ko sa mansyon ni Pacquiao sa Mindanao. Nakaframe yata yung pichur ng bahay ni Manny sa wallet niya.

***************
Ang tatay ko, lagi akong sinesermonan kapag may binibili akong bago. Matuto daw akong mag-ipon. Malapit na yata akong palayasin sa bahay, dahil madalas na itong magparinig kung bakit dun pa rin ako sa bahay namin nakatira. Anyway, pero kahit ganun lagi ang sinasabi sa akin ng aking ama, pag nakikita niya yung mga pinamimili ko, pagkatapos lumamig ang ulo niya, namamangha siya. Kagaya na lang nung bumili ako ng Xbox 360 ulit, pinagalitan ako tapos ng makitang kamukha talaga ni Pacquiao yung sa Fight Night... ako pa nagsara ng bibig niya. O kaya nung bumili ako ng MP3 player, pagkatapos litanyahan ng tungkol sa krisis, hiniram ito't tinanong kung mas marami pang lamang kanta yung player kesa dun sa binili niyang 100 in 1 cd ng chacha.

***************
Si tatay eh madalas din akong litanyahan tungkol sa pagmamaneho ng tama. Mapabisikleta, scooter o kotse. Ang ratio ng aksidente naming dalawa sa mga sasakyan... 10:1. Sampung beses na siyang nabangga, tumilapon sa sasakyan at naaksidente, habang ako eh isa. Actually 1/2 nga lang yung sa akin kasi muntik lang ako bumangga nun sa rumaragasang sasakyan.

****************
Noong mga araw naman na wala akong trabaho, dalawang beses sa isang buwan niya ako kung lecturan sa pagmamahal sa trabaho. Medyo kapag ganito na ang usapan, nagbibingi-bingihan ako. Paano ba naman labingdalawang taon lang siya nagtrabaho sa Saudi. Labinganim na taon na siyang tambay sa amin. So... nakikita niyo naman siguro kung ano yung di tama dun sa pangungusap na yon, di ba? Hindi ko nga alam kung san niya nakukuha yung mga pinambibili niya ng mga pinamimili niya eh... Sa tingin ko, may nakatagong kayamanan yang tatay ko eh..

*****************
Isa pa, yang tatay ko lagi akong pinapagalitan pag hindi ako humaharap sa mga bisita. Kung nagkukulong ako sa kwarto, talagang hihilahin ako niyan palabas para ientertain ang mga bisita nila. Tapos pag baba ko, mga ilang saglit lang, pagtingin ko sa likod ko wala na siya. Ang tatay ko na ang nagtago!!! Lilitaw lang yan ulit pag gusto na niyang isaksak yung Magic Sing o kaya yung mga dibidi niya ng mga laban ni Pacquiao.

Marami pa akong mga kwento dyan. May pagkapasaway talaga yang tatay ko. Buti na lang di ako masyado nagmana sa kanya...

HAPPY FATHER'S DAY sa lahat ng mga tatay diyan!!! Sa mga magiging tatay!!! At sa mga tatay ng mga wala pang anak!!!

Jun 8, 2011

TALES FROM THE CLOSET

When you haven't outed yourself, you get alot of questions. People specially your family have alot of expectations. Unfortunately some of them want those expectations met.

Sometimes it's frustrating (if this seems familiar, I already wrote this somewhere else and in Filipino).

Tita: Engel, when are you going to get married?
Engel: It might take awhile.
Tita: Aren't you afraid you might get left behind. You're not getting any younger.
Engel: I'm fine. I'm a guy. I'm not worried about having kids.
Engel: And besides, I'm happy where I am right now.
Tita: That's not a good idea. If you get kids when you're older, who do you think will take care of them? When you hit 60 do you think you could still take care of a teenager?
Tita: I'm just worried you won't be able to take care of your children.
Engel: How about you tita, when are you going to get married?
Tita: is offline

**********
Another Tita: Technology's great, yeah.
Engel: Yeah.
Tita: You get to talk to family hundreds of miles away.
Tita: You see their pictures.
Engel: Yup.
Tita: I especially like facebook.
(me thinking to myself uh-oh)
Tita: You get updated with old friends
Tita: Classmates.
Tita: Family.
Engel: Yup. Yup.
Tita: You.
Tita: So I see on your profile you're in a relationship
Engel: ...
Tita: ...
Engel: ...
Tita: ...
Engel: ...
Tita: Aren't you going to tell me about your girlfriend?
Engel: is offline.

**********
Maybe it'll be easier if I just out myself.

QUICK HITS: REVIEWS




X-MEN FIRST CLASS:
Great movie. It's not really very faithful to the source material but it's undeniably entertaining. More of a spy film than a comic book movie, this one will definitely rank high on my end of summer list.

Just want to geek out a bit if you let me. Here are some of the inconsistencies when you compare the movie with the comics (as if you'd care):

- Havok is Cyclops' younger brother
- Moira MacTaggert is not an American spy but an Irish (or Scottish) scientist
- Xavier's First class includes Jean Grey, Cyclops, Iceman Angel and Beast
- Emma Frost shouldn't be that old. Unless Cyclops is into cougars (she's his current gf)

Still doesn't mean that I didn't like the movie.

***********


GAME OF THRONES
Wrote about this a few posts ago but I can't stress enough how awesome this series is. This is like the season's The Walking Dead.

I am not privvy to the written books (for one I can't find a copy on any bookstore I go to) but they say this is pretty faithful to the original material. This show's got everything you want in a series and they're not afraid to flaunt it.

You get beheadings, incest, full frontal nudity, lesbian sex, dwarf sex, basically every immoral thing you could think of that is entertaining, you will see in HBO's latest offering. I doubt they'll show this in it's entirety here in Asia.

I don't watch the show only because of those things, believe me, it is awesome. I love the intriguing story. I love the mythology. I love the nudity. And it is well acted. It's the type you'll only see in movies. But then again it's from HBO so that is expected. Fortunately they deliver.

The season's only ten episodes long and we're at episode 8 already so you can still jump in.

***********


21 - ADELE
I know this has been out a long time already, but it's only recently that I've downloaded or rather asked a colleague's copy of Adele's album.

Honestly, I was blown away by her songs. Most of them may sound bitter, but undeniably at one point or another, we've all gone through what those songs were about.

When I'm tired or travelling, I listen to her album. Heck I sing her songs too. To hell with the people inside the fx who hears my out-of-tune vocals, they're great.

I love how bittersweet Someone Like You sounds, how angsty Turning Tables is, or how hopeful One and Only seems. This is music. Real music. Not some noise that Lady Gaga produces.

***********

Hope this writing streak continues. I miss posting regularly.

Jun 6, 2011

BAKIT KAYA

Dahil hindi ako makatulog kaninang hapon, napapanuod ako ng tv. Bio channel ata yun. Ang palabas Tough Love Couples Edition.

Ang tema ng palabas, merong 7 magsyota. Lahat sila medyo may problema sa kasintahan nila at sumali sila upang malaman kung dapat ba silang mag move forward sa relationship nila o kailangan na nilang maghiwalay.

Napaisip ako, bakit mahirap para sa isang pares ang maghiwalay?

Bago ko ipagpapatuloy ang post na ito, nais ko munang linawin walang kinalaman sa akin itong post na ito. Ako sa kasalukuyan ay masaya. Walang problema. May mga gusot, pero naaayos lahat. Itong post na ito ay tungkol lang talaga sa napanuod ko sa telebisyon kanina. Okay? Klaro? Wala lang. Defensive ako, bakit ba.

Yun nga, naisip ko, bakit meron mga tao na nagpapakatanga sa isang relasyon at hindi ito maiwan kahit na sobrang miserable na nila?

-Dahil ba natatakot sila na maging single ulit?

-Dahil tanggap nila na hindi lang sila ang laman ng puso ng mahal nila at kaya nilang tiisin ang ganung sitwasyon?

-Dahil naghihintay sila't umaasa na balang araw magbabago din ang mahal nila?

-Dahil wala silang choice, alam nilang yun lang yung taong magmamahal sa kanila?

-Dahil kasal na sila?

-Dahil kaya kahit na sobra sobra silang saktan, sa huli sila pa rin yung mahal ng nananakit sa kanila?

-O kaya'y dahil nagmamahal lang talaga sila?

Kung isa man diyan yung sagot, naisip ko sapat na ba iyong dahilan para magstay sila. Kahit gabi-gabi na lang ay umiiyak sila dahil sa sakit?

Ewan ko. Ganun naman ata talaga pag nagmamahal. Handang gumawa ng maraming katangahan. Sa dulo naman kasi minsan, kung tama sulit ang lahat.

Ano sa tingin ninyo?

Jun 1, 2011

KUNG NASA BORACAY KA...

- Wag makakalimot uminom ng Jonah's fruit shake. Sikat sa kanila yung Choco Banana.
- Namnamin ang ang bulalo sa Smoke's sa may D'Mall.
- Manuod ng show ng Phoenix Fire Dancers sa harap ng Beach Bum Club (ata yun).
- Wag kalimutang magpapicture sa harap ng grotto.
- Wag magpanic kapag nag helmet diving ka.
- Wag magpawax ng dibdib kung wala ka balak magtanggal ng t-shirt sa beach.
- Mag advance order ng calamansi muffin dahil hindi ka pagbibilhan ni Ate sa araw ng pag-alis mo. Ayaw nila kumita.
- Wag ka maglakad sa beach ng alas tres ng madaling araw, mapagkakamalan kang emo.
- Wag mong kakalimutang batiin ang Kasintahan mo sa araw ng inyong anibersaryo.
- Magpapicture kasama ng mga sexy na Russian bebots.
- Magpakalasing ka at pumarty buong gabi.
- Wag labanan ang agos ng dagat pag nagsnorkling, sasakit lang ang katawan mo at di ka makakasama sa lasingan at party buong gabi.
- Bawal magkasakit.
- Wag magsama ng sexy pag naghelmet diving, dahil siya lang palagi ang bibigyan ng mga diver ng starfish at laging kukunan ng picture. Apat kami nun no!!! Apat!!!
- Umattend sa kasal dahil aasahan mong laging bongga ang kinakasal sa Boracay!!!
- Higit sa lahat wag kalimutang mag-enjoy!!!