ROUTINE

Marami akong naririnig na dahilan ng mga tao kung bakit sila hindi masaya sa trabaho nila, sa eskwela, sa buhay nila. Ang sabi nila, nakakasawa na kasi ang routine. Paulit-ulit na lang ang mga ginagawa nila. Ika nga, same shit, different day.

Minsan tinatamaan din ako niyan. Lalo na noon. Nung panahon na feeling ko eh pinagdaraanan ko ang quarter life crisis. Naghahanap ako ng bago. Nagsasawa na sa tulog at trabaho. Kung tutuusin, noon may choice naman ako kung gusto kong lumabas, pwede kong gawin. Pero hindi ko ginagawa. Wala lang. Tamad kasi ako. Sanay sa routine.

Pero nung tumanda ako ng konti naisip kong routine nga tong ginagawa ko. Pero ayos lang. Kung ililipat mo lang ng kaunti ang iyong mga mata at tenga, meron din naman palang maganda sa routine.

• Noong pangmadaling araw pa ang schedule ko, madalas kong makasabay si Monday. Nagkakatinginan. Titigan. Ngitian. Lumalandi siya, pumapatol naman ako. Kahit di kami nagkakilala.
• Ngayon, tuwing Sabado kapag uwian, palagi kong nakikita si sexy na nagjojogging kasama ang kanyang tatay dun sa may Buendia bago umikot ang bus.
• Araw-araw, tuwing umaga pag-uwi ko, ang sumasalubong sakin eh yung cute na estudyante ng STI sa village namin. Napapagastos tuloy ako sa 711 para lang masulyapan ang kanyang maamong mukha.
• Tuwing umaga rin, kasabay ko umuwi yung mestisahing crew ng McDonald's sa village namin.
• Once a week, iba-ibang araw nga lang nakakasabay ko sa bus at FX yung medyo may lahing pasahero na type na type ko talaga. Hay.
• Tuwing dumarating ako sa bahay, lahat ng aso namin pinagkakaguluhan ako. Parang artista lang. Natutuwa ako pag nakikita ko ang mga sabik nilang mukha. Kahit wala akong dalang pagkain.
• Tuwing hapon paggising ko, at pagbukas ng internet, laging mayroong at least isang blogger na magsusulat ng post na nagpapangiti sa akin sa buong araw.
• Tuwing gabi naman, pagdating ko sa opisina, bumubungad sa akin yung kaopisina kong sobrang sexy at crush na crush ko. Pag nakikita ko siya at nginingitian niya ako, nabubuo ang araw ko.

Nakakasawa nga kung minsan ang routine, pero kung titingnan mo sa ibang pananaw tolerable naman ang routine.

***********

Sensya, kailangan kong ngumiti at gulung-gulo ang utak ko ngayon...