SALAMAT POST

Tatlong-daan na pala ang naipost ko sa loob ng lampas tatlong taon kong pananatili dito sa blogosperyo. Siguro, tama lang na dito ko gawin ang pagpapasalamat at pagpopromote na rin sa lahat ng mga nakilala ko dito sa tambayan ko.

Sa totoo lang, isa pa lang blogger ang talagang nakikilala ko sa personal, pero sabi ko nga, ngayong taon, pipilitin kong makakilala pa ng mas maraming kaibigan. Tutuparin ko yan, by hook or by crook.

Sa loob ng tatlong taon, marami na akong nabasang mga blog, merong malalaim mag-isip, merong sobrang nakakatawa, may baluktot at nakakaasar ang mga pananaw sa buhay, meron din namang nakakahulog ang kasweetan. Enjoy akong basahin lahat yun kasi marami akong natututunan, at higit sa lahat masayang pampalipas oras.

Siguro, uunahin ko na yung una kong nakilala sa blog, although hindi ko pa namimeet ng personal, si Kuya Aajao. Sa kanya ko natutunan yung ipinamamahagi ko sa ibang mga baguhan dito sa blog na "we write to express and not to impress." Almost three years ago na yan. Halos masubaybayan ko ang buhay niyan mula ng magpakasal, at ngayong malapit ng maging daddy. Kuya Jon, marami akong natutunan sa pagbabasa ng blog mo. Good luck senyo ni wifey!!!

Si Paper Tilapia, na una kong nakilala sa personal. Salamat sa pasalubong mo peanut kisses galing Cebu!!! Dahil sa'yo napatunayan kong totoong mga tao ang nasa likod ng mga blog. Lam ko busy ka masyado kaya di ka na madalas magsulat, pero ok lang, halos araw-araw naman kita nakikita dito sa opisina, kaya di rin ako nahuhuli sa balita tungkol sa'yo. Sa'yo ko nalalaman kung may sweldo na... Salamat din dun!!!

Si Joms... Ang husay nitong magsulat. Kahit di ako masyadong nakakarelate sa mga nilalathala niya, eh hanga pa rin ako, kasi nakakadala. Salamat, at kahit dito lang tayo sa blog magkakilala, eh tinuturing mo akong isang kaibigan.

Utakmunggo!!! Alam mo, pag binabasa ko ang mga blog mo, nabubuo ang araw ko... You never failed to make me laugh. Ang galing. Sabi nga ni Sarah Geronimo, 'siguro ang galing mo sa puzzles, kasi nabubuo mo ang araw ko' pag nakikita kong may bago kang update sa blog mo... hehehe.

Lavinia... ang tagal mo nang di bumibisita. Hanggang plurk na lang tayo nagkikita. Pero gayunpaman natutuwa akong nakilala kita. Ang kulit mo kasi, para lang meron akong nakababatang kapatid. Belated Happy Birthday!!!

Efbee... isa ito sa aking mga plurkbuddies. Nagkatrabaho ka lang, di ka na masyadong nagpaparamdam. Layasan mo na yang opisina niyo!!! Joke... Salamat parekoy at isa ka dun sa concerned nung dinala sa ospital yung tatay ko. Di ko malilimot yun.

Chyng!!! Buildingmate!!! One of these days... magkikita rin tayo!!! Isang floor lang ang pagitan natin, pero di talaga tayo magkita-kita... Siguro hindi pa napapanahon... Pero darating din yan.

Pareng Kosa... salamat sa patuloy na pagtatangkilik... ano ba ginawa mo sa blog mo at di ko na siya mabuksan dito sa opisina? Sa bahay ko na lang siya nabubuksan. Pero kahit ganun, napapabilib mo ako sa mga post mo. Madami akong narerealize dahil sa mga sinusulat mo.

Kay RonTuron... salamat sa pagkilala. Di man ako nanalo, okay lang. The fact na may pumansin dito is enough na para sakin na karangalan. Sa March na lang!!! (biro lang...)

Patty Laurel.. Thank you, dahil sa'yo maraming napapadpad sa blog ko galing google. Parang walang mintis, merong tatlo kada linggo. Salamat sa pag-add sakin sa ym kahit di mo ako kilala, siguro nalito ka lang before... pero okay lang.

Sa mga bago kong mga nakilala at nakakakulitan sa plurk, facebook or ym. Salamat din at kahit papaano eh binuksan niyo ang mga private na buhay niyo para mabasa ko. Doc Ced, Gas Dude, Dong-Ho, Meryl, Yoshke, Kuya Kuri, Skron, Teresa, Mikko, Pusang-gala, Dylan, Eben, Dhianz (salamat sa mga comment na kasing-haba ng mga posts ko... I appreciate it!!!), Miong at Dave.

Sa mga bagong kakilala... paano man kayo napadpad dito, eh salamat at naisipan ninyong bumalik-balik kahit minsan walang kwenta mga pinagsususulat ko dito... Mrksurf8, Gravity, Manikang Papel, Scud, Andy Briones, Ron Centeno (salamat sa award/tag one day I'll do it...) Orakulo, PaJay (astig yung caricature mo ng lahat ng bloggers, sana mangyari yun, kahit kalahati man lang ng andun sa drawing mo), Yanah (lapit ka nang umuwi!!!), Mys Lyk Meeh, at Makmak. At syempre sa lahat ng mga nasa blogroll ko.

Salamat din pala sa ibang nakipag ex-link, yung iba sa inyo andito pa rin yung link kahit hanggang ngayon wala pa rin ako sa mga links niyo. Di ako bitter, kasi minsan ginagawa ko rin ito.. hehehe. Pasensya na dun sa di ko nililink... may dahilan yun, pero saka ko na isusulat.

Hindi pa naman ako mawawala sa blogosperyo, sa dami ba naman ng nakikilala ko araw-araw sa tingin ko, lalo pa akong matatagalan sa pagsusulat at pagbabasa ng mga ipopost ng mga tao dito. Hindi nakakasawa. Siguro hindi ako magtatagal ng 3 taon at 300 posts kung wala akong nakikitang bago.

Ang mga tao sa blogosperyo ang mga taong kakulitan ko... at sana'y maging habang buhay na mga kaibigan!!!