MGA PABORITO KONG BLOG

Maraming dahilan kaya nahuhook ang mga tao sa blogging.

Ako, mahilig akong magsulat kaya hanggang ngayon ipinagpapatuloy ko ito. Pero para sa ibang tao, mas masarap magbasa.

Madami kang natututunan. Maaaliw ka. Matatawa. Maiiyak. Mauubos ang oras.

Ang daming talentadong manunulat dito sa mundo ng blogosperyo. Sa isa kong tahanan, naibahagi ko na ang aking mga paboritong babasahin, siguro nararapat lang na dito din ay magbahagi ako ng aking mga paboritong kablog.

Mga manunulat na sobrang husay sa ginagawa nila na di ko mapigilan ang sarili ko't tuwing may update akong nakikita ay binibisita ko.

At ang iba pa'y naging maswerte ako't naging mga kaibigan ko.

Ito ang listahan ng mga paborito kong blog. In no particular order:

DONG HO - Tuwing meron kaming banyagang bisita sa bahay, lagi kong pinapakita ang blog nito. Sa mga nagtatanong kasi kung maganda nga ba ang mga isla sa Pilipinas, dito sa blog niya makikita mo ang sagot. Mula Caliraya, hanggang Cagbalete, hanggang Davao, masisilayan mo ang nakatagong ganda ng Pinas. Minsan nga, naiinggit ako't gusto kong sumama sa mga lakad nila sa labas ng Maynila, pero di ko magawa. Wala akong camera, pera at oras.

DOMJULLIAN - Eto si Kuya Dom ang isa sa mga taong paborito ko, hindi lang ang blog, kundi yung tao sa likod ng sinusulat nito. Nakilala niya ako dun sa isa kong tahanan, at tinanggap niya ng walang pag-aalinlangan kung sino ako. Mahilig yan magluto sa blog niya, pero mukhang walang balak ipatikim ang mga putahe niya sa mga mambabasa niya. Alam ko kung bakit
hanggang ngayon, hiatus mode pa rin yan. Pero hinahayaan ko lang, at least masaya siya.

AAJAO - Si Kuya Jon naman ang una kong Kuya dito sa blogosperyo. Kung meron mang
isang tao na nasundan ko ang buhay, siya na yun. Nakilala ko siya, single pa, ngayon kasal na't may anak pa. Binabasa ko yung blog niya noon dahil marami akong natututunan sa kanya. Kung pinagkakalat ko sa mga baguhang blogger ang kasabihang 'we write to express, not to impress' yun ay dahil tinuro niya sa akin yun nung bago pa lang ako. Oo, inuugat na siya sa blogosperyo.

CHYNG - Ang nag-iisang babaeng active blogger sa listahan ko. Matagal ko nang kablog itong si Chyng, at medyo malaki na rin ang pinagbago ng kanyang tahanan. Noon magkapareho kami ng layout. Tapos di pa siya gaanong travel blogger. Pero ngayon, nag sasouth east asia trip na lang siya. Habang ako, napag-iwanan na. Eto lang, magkabuilding kami noon, pero ni minsan hindi kami nagkita.

COLDMAN - Kakaunti lang ang blog crush ko dito (sa kabila madami) at isa siya sa mga ito. 2008 pa ako sumusunod sa mga adventures nitong manunulat/photographer/boy-next-door-blogger na ito. Sayang nga lang at nasa Estados Unidos siya, kaya di sya madaling mahagilap. Ang balita ay malapit na si Coldman umuwi dito. Sana pagdating niya eh, ayain ako nito kapag makikipagkita siya sa mga kaibigan nitong kapwa blogero. Feeling close lang.

KOKEYMONSTER - Sa blogosperyo, merong mga manunulat na pilit kung magpatawa, pag binasa mo naman, walang kwenta. Merong sobrang malalim na kahit tinatagalog ka na, magdurugo pa rin ilong mo. Si Efbee, di siya ganun. May lalim ang mga post niya, pero pag binasa mo matatawa ka sa mga kwento niya.

PROFESSIONAL HECKLER - Isa ito sa mga pinakapaborito kong pinoy site ngayon. Minsan pa nga, ito ang aking source ng nagbabagang balita. Technically, hindi siya blog, pero dahil nakapublish siya sa isang blogsite, technically pasado siya sa listahan ko. Patunay na gustung-gusto ko tong site na ito, eh last year, siya ang aking pinakapaboritong website sa year-end
best of list ko. Minsan na niyang binisita ang blog ko, kaya natutuwa ako. Minsan nakong nabisita ng isang celebrity blogger.

GASOLINE DUDE - Matagal na akong fan nitong blogger na ito. Di pa man siya nangingibangbansa. Nakakarelate kasi ako sa mga sinusulat niya noon. Tapos, marami pa kaming pagkakahalintulad. Gwapo. Matalino. Nagtatrabaho sa gasolinahan. Only child. Pero di siya bading. Ako lang yun. Medyo madrama ang buhay nitong si Gasul, pero gayunpaman, ang gusto ko sa blog niya ay kahit may mga pagsubok na dumadaan sa buhay niya, positibo pa rin
siya at di ka hahawahan ng depresyon di tulad ng ibang bloggers dyan.

UTAKMUNGGO - Isa sa mga pinakanakakatawang babaeng manunulat na nabasa ko sa
blogosperyo. Ang kanyang mga adventures kasama ng kanyang pamilya sa Britanya ang
isa sa mga pinakaaabangan kong post noon. Sayang at naadik siya sa plurk at di na
ito masyadong nagsusulat sa blog. Di ako nabobore pag tumatambay ako sa tahanan niya. Ang kulit kasi.

At...

RAFT3R - Si Denoi, di ko kaya gawin ang ginagawa nito. Sa blog niya, ang mantra niya ata ay Keep It Short and Spectacular. Di siya ganobela kung magsulat. Pero nasasapul niya ang gusto niyang tamaan. Akala ko noon, suplado to, kasi parang rich kid, pero mabait pala. Tatak ng tunay na Bedista.

Marami pa sa totoo lang. Pag mapapansin mo ang kumento ko sa bawat post ng blogger na
iyon, tiyak na paboritong blog ko yun.

Pasensya na, at di ko malink yung mga blog nila. Hanapin niyo na lang dyan sa gilid.
Nakakapagod kasi maglink. Sampung website din yun.