MASAYA MALUNGKOT MASAYA MALUNGKOT

Malungkot ako.

Malungkot ako kasi napalungkot ko yung mahal ko.

Kasi madalas insensitive ako. Minsan may nasasabi ako sa kanya na hindi niya nagugustuhan. Kasi nasasaktan ko siya ng hindi sinasadya.

Babawi ako sa kanya. Kasi mahal ko siya.

***************
Noong Sabado, nagyaya ako ng ilang kaibigan sa bahay upang magdiwang ng no-parents weekend. Dapat Kinect party yun, kaya lang minalas at hindi pa dumating yung aking pinakahihintay na Kinect. Sa weekend pa.

Masaya siya. Mas lalo kong nakilala yung mga niyaya ko. Sayang hindi kami kumpleto, pero okay lang. Ang mahalaga ay naubos yung pagkain. Nanghihinayang lang ako, at hindi naubos yung inumin. Meron pa akong isa’t kalahating bote ng The Bar at madaming bote ng Red Horse.

Sino Gusto?

***************
Speaking of which, nagpapasalamat pala ako sa mga dumating. Ang saya na mas lalo mong nakikilala yung mga kaibigan mong blogero. Kahit tinulugan ka habang nagkukulitan pa kayo.

Salamat nga pala kina Boris (na dinayo pa ang lugar naming kahit galing pa siyang Quezon Province at uuwi ng Novaliches), Gincie (na galing pa ng party at iniwan ito para makasama kami.. kahit di niya naabutan si Boris) at kay Jayvie (na kahit ang pinakanaunang natulog eh panalo ang dinalang cake para samin).

Appreciate ko yun ng sobra.

Sa susunod meron na talagang Kinect at magsasayawan na tayo.

***************
Naisulat ni kaibigang Ro Anne na ang first impression niya sa akin ay mahinhin akong magsalita. Hindi ako ganun. Shy lang ako. Barubal ako sa personal. Pero syempre dahil first time ko nakilala lahat ng nameet ko dun, medyo tame ako.

As usual, nainggit ako sa kanya kaya gagawa din ako ng ganyan one of these days. Mga first impressions sa mga nakilala kong bloggers.

***************
Sa Byernes at Sabado ay may makikilala nanaman akong mga bloggers. Huli na sila. Promise. Iilan na lang ang mga manunulat ang hindi ko pa nakikita sa personal. Quota na ako sa buhay ko yata.

Unless tamaan ako ng topak at magdesisyon na magbirthday party.

Matagal pa naman yun. Lampas isang buwan pa. Medyo kailangan ko ring magtipid dahil may panibago akong mga utang.

***************
Speaking of birthday. This week makukuha ko na ang mga regalo ko sa sarili ko sa kaarawan ko.

Hindi ko alam kung ano meron, pero ngayong taon feeling ko magiging magastos ako.

Ganito kasi yun, ngayong linggo ko bibilhin ang aking bagong Xbox360 na may Kinect. Tapos naengganyo (nauto) ako ng aking kaopisina na bilhin ang kanyang binebentang brand new PSP. 7k lang kasi. Tapos 2 gives. Kaya di ko na pinakawalan.

Buti na lang diet mode nako ngayon. Gagapang na lang ako sa gutom sa mga susunod na buwan.

Tapos kelangan ko din pala bayaran yung ticket para sa Boracay vacation ko este wedding pala sa Mayo.

Hay ang tagal dumating ng grasya. Kelan ba ako mapopromote?!

***************
Huling pagmamakaawa ko na ito. Tutal nafigure out ko na kung paano iadd yung widget sa blog ko (salamat kay Boris), pero regalo niyo na sakin yung paglike sa Facebook page ko. Di naman ako nanghihingi ng picture greetings o kahit ano. Yan lang. :D

Di yun fan page. Gusto ko sana parang community yun kung san pwede ako makapag-interact sa mga kapwa ko manunulat at dun sa nagbabasa ng blog ko.

Pa click lang nito...

Salamat.

***************
Masaya malungkot. Masaya malungkot.

Ganun yata ang buhay. Binabalanse para natututo tayong tumapak sa lupa.