MALING AKALA

Madalas, nabubuo ang first impression ng isang tao sa kapwa niya sa unang tingin o kaya sa unang limang minuto ng pagkakakilala. Sa akin, sa mga pinagsusulat ko dito, marahil marami na kayong nabubuong impression sa kung anong klase ng tao ako. Siguro may nag-iisip na ako'y gwapo, matalino, makulit, promiscuous, makwento, cool, cheesy, senti, emo, bakla at kung anu-ano pa.

Dalawa pa lang dito sa mundong ito ang nakakakita sa akin sa personal ata. Di sa nagpapakamisteryoso ako, pero wala lang panahon pa talaga para gumala ako at makihalubilo sa mga kapwa ko blogero. Sabi ko nga, gustung-gusto ko na makilala halos lahat ng mga taong palagi kong binabasa ang mga lathala, kaya lang walang time o kaya resources. Yung iba naman maliban sa pagbasa sa blog nila, wala na talaga ibang paraan para makilala sila.

Mabalik tayo sa usapan. Nang tanungin ko ang ilang mga kakilala kung ano ang ilan sa kanilang mga first impression nila sa akin nang una nila akong makilala, eto ang mga nasabi nila. Karamihan dun, eh hindi totoo, actually halos lahat hindi totoo, ang akala kasi ng mga tao pagkakilala sa akin eh napakasama kong tao. Hindi po ako ang nawawalang anak ni Satanas!!! Mabait kaya ako...

SUPLADO
Hindi sa hindi ako palangiti. Marunong akong gawin yun. At gawain ko yun. Pero ako yung tipo ng tao na ngingiti kapag nginitian mo. Di ako yung ngumingiti kahit kanino, dahil natatakot akong baka isipin ng tao na may sayad ako. Solong anak ako, at hindi gaano sanay na makihalubilo sa mga tao. Pero kapag kakausapin mo ako, sumasagot naman ako. Hindi ako suplado. Siguro unless mukha kang manggagancho, o magnanakaw, pag kinausap mo ako, agad naman kitang sasagutin. Friendly po ako.

MADALDAL
Madami akong kwento sa blog. Makulit akong katext. Marami-rami rin ang nasasabi ko pag kausap ako sa ym, pero sa personal... sa totoo lang... tahimik ako. Gaya ng sinabi ko, mas mahusay ako magsulat kesa magsalita. Kaya maraming nagugulat, at nadidisappoint pag nakikilala ako, dahil feeling nila iba yung kausap nila kesa dun sa nakilala nila. Gaya ng sinabi ko, solong anak ako, at sanay akong kausapin ang sarili ko. Kaya kapag ibang tao na ang kaharap ko, di ko na alam ang sasabihin ko.

MASUNGIT / SERYOSO
Halos lahat ng kaibigan ko ngayon, ang unang pagkakakilala sakin eh yung tipong hindi nila makakasundo. Mukha daw akong sobrang seryoso dahil di masyadong palangiti. Tapos nakilala nila ako noong boss pa ako, na tipong parang laging madaming problema sa mundo. Actually, ganun ako noon. Pero sa totoo lang, makulit talaga ako. Yung maypagkabrat na makulit na cute. Hindi yung nakakaoffend. Marunong ako makisali sa mga knock knock jokes, o use in a sentence joke, o kung anumang kakornihan na trip ng barkada ko. Di ako killjoy!!!

SPOILED BRAT
Dahil nga only child ako, merong mga tao na feeling na spoiled brat ako. Ok lang, naiintindihan ko kasi madalas may talas ang dila ko, lalo na pag di ko gusto ang nakikita ko. Pero hindi naman ganun kasama ang ugali ko. Yung pagiging only child ko nga ang dahilan kung bakit gusto ko magkaroon ng mga kaibigan. Nakakalungkot kaya ang walang kausap sa bahay, kaya kung may nakikilala ako na nakakasundo ko, ginagawa ko ang lahat para ikeep yung pagkakaibigan. Madali nga ako mauto para manlibre.

MAYAMAN
Hindi kami mayaman. Mayabang lang talaga ako. Marahil nabibili ko ang mga luho ko, pero madalas dyan, kapalit nun pawis at pagod ko, dahil pinagtatrabahuan ko talaga lahat ng binibili ko. And by that, I mean, nagtatantrums ako sa harap ng magulang ko para bilhan ako ng gusto ko!!! Biro lang. Di ko gawain yun, edi nasampal ako ng bonggang bongga ng nanay ko. Pero seryoso, kung anuman ang kaya kong bilhin, pinag-iipunan ko yun o kaya'y inuutang ko. Kung may panlibre ako, nakabudget yun. At kung ngayon kayo magpapalibre, hanggang ngayong weekend lang ako may pera, pagkatapos nun, tipid mode ulit. Hindi ako mayaman.

Wala lang. Wala ako maisulat.