Mga Sumasampalataya

May 29, 2013

OA COUNTRY

Kung ikaw ay aktibo sa social media, medyo mapapansin mo na dumarami ang mga issue na ang pinaghuhugutan ay mga walang kakwenta kwentang bagay.

Si Dan Brown tinawag ang Manila na Gates of Hell.

Yung joke ni Vice Ganda kay Jessica Soho sa concert nito.

Take note, national issue itong mga ito. Tipong headline sa mga pahayagan. Umabot pa na sulatan ng pinuno ng MMDA ang manunulat para punahin ang sinulat.

Napaisip tuloy ako, napaka-OA nating mga Pilipino. Fiction at Joke pinapatulan natin. Pinag-aaksayahan natin ng oras. Napakasensitive naman natin na kapag ang isang taong overweight ay pabirong tinawag na baboy, magiging emotional tayo. Nagiging bayolente.

Wala na bang magawang matino ang mga Pilipino na pati ganun kababaw na bagay pinagkakaabalahan natin? Ganun ba kataas ang tingin natin sa sarili natin na hindi tayo tatanggap ng anumang hindi maganda na sasabihin satin o sa bansa natin?  In denial ba tayo na hindi talaga "It's More Fun In The Philippines"?

Kung babasahin mo ang libro ni Dan Brown, noong nasa Maynila si Sienna Brooks, muntik na siyang ma-rape. Tinulungan lang siya ng isang matandang babae na bingi.  Hindi nabanggit yun noong lumabas ang issue ng "Gates of Hell".

Si Vice Ganda, sumikat sa panlalait ng mga pangit. Doon siya nakilala. Sa estilo niyang yun kaya pinipilahan ang mga palabas niya. Sa pagiging mapanlait niya kaya siya ang may hawak ng pinakakumitang mga pelikula sa bansa (kahit wala naman talaga itong kwenta). In short, naging ganyan siya kasi sinuportahan natin siya.

Nakakatawa na kung magtanggol tayo sa mga sinusuportahan natin, ay tayo mismo ay nagiging mas malala pa sa mga tinatawag natin na bully.

Kaya siguro hanggang ngayon ay nananatili tayong Third World Country. Imbes na magtrabaho tayo, maghanap ng pagkakakitaan, eto tayo pumapatol sa mga issue nina Vice Ganda, Dan Brown, Kris Aquino at Ai Ai delas Alas.

Pwede tayong lahat maging artista.

Ang dami nating Over Acting.

9 comments:

Anonymous said...

katulad mo na pinatulan din ang issue.

JM said...

I'm sorry to say this Gibo, but your entry is replete with ironies. :)

khantotantra said...

heheheh, ganun talaga.... ayaw na ata ng pinoy harapin ang totoong problema ng bansa kaya mas gustong pagtuunan ng pansin ang petty issues

Dorm Boy said...

Maski dito abot ang isyu sa Pinas... napapareact din kami... Over nga sa comments. =)

Eto at eto aga nababasa namin sa Yahoo Ph. =)

Henry said...

actually hindi yung sa tinawag na baboy/overweight si Jessica Soho, its about the gang rape joke. yung sa Dan Brown issue oo OA talaga yun, pero yung gang rape I think no. Jokes will be jokes, pero dapat may boundary pa din yun. there's a thin line between making people laugh and being outright cruel.

Photo Cache said...

OMG, I haven't been here in a while!!!! Musta na?

Dlanyer Oallesma said...

Sorry ah pero OA talaga mga ibang Pinoy. haha

glentot said...

Amen to this. Sa totoo lang. Ang bibilis magreact ng iba. Siguro matagal nang ganyan ang mga tao, mabilis ma-offend. Ngayon lang nagiging obvious dahil sa social media. Yung iba ang kikitid ng kukote. Mas inuuna ang emosyon keysa sa malawak na pag-iisip.

Totoo namang mataba si Jessica Soho. Marumi at magulo naman talaga sa Manila. Yung mga taong napikon sa mga issue na yun eh yung mga taong malakas rin manlait sa ibang mga lahi. Mga lahi ng maiitim, mababaho, sakang etc. Some people make jokes but can't take it when they become the butt of the joke.

Anonymous said...

Sang ayon ako sa sinulat mo.