DAPAT MALAMAN MO

May isang taon na ang nakakalipas, naisulat ko sa blog na ito, kung bakit ako'y magiging isang mabuting boypren sa kung sino man ang magkamaling pumatol sakin (i-click ito). Tapos, noong nakaraang buwan, nangyare ang mga di dapat mangyari sakin at sa aking mabuting date.


Malamang sa malamang, malabo nang may puntahan ang kung ano man ang meron kaming dalawa. Pagkakamali ko yun. Siguro subconsciously, iniisip ko na hindi siya yung nararapat para sa akin. Totoo din naman yung sinabi ko na hindi pa talaga ako handa na pumasok sa isang relasyon.


Kanina, habang pinipilit kong patulugin ang aking sarili, napaisip ako... Sabi ko sa sarili ko, kung saka-sakaling may makilala akong magpapatibok ng tiyan ko, dapat malaman niya rin ang mga pagkukulang ko. Kaya naisip kong ilaglag ang sarili ko dito sa blog ko.


WHY I WON'T MAKE A GOOD BOYFRIEND

• MAY MGA INSECURITIES PA AKO. Alam ko naman na hindi ako naknakan ng pogi, mga apat na ligo lang ang lamang sakin ni Dingdong. Kaya di mawawala na minsan eh may pagkaseloso ako. Maaaring kulitin kita kung may makikita ako na lumalapit sayo na ibang lalake. O kaya naman ay kung mas magaling ka sakin eh umiral ang pagiging mapride ko.


• MALILIMUTIN AKO. Kung ikaw yung tipo ng tao na maaalala ang lahat ng birthday o special na okasyon sa buhay ng isang pares, ako hindi. May mga araw na malilimutan ko ang monthsary or anniversary natin. Tapos minsan, pag busy talaga ako, baka di ko maalala na birthday mo. Wala talaga akong kusa, kaya dapat laging pinariringgan mo ako.


• MASYADO KONG INEENJOY ANG PAGIGING SINGLE KO. Late bloomer ako. Siguro di pa umaabot ng taon, nang maenjoy ko ang pagiging single. Simula nang magtapos ako ng pag-aaral, puros bahay, trabaho at pagmumukmok dahil mag-isa ako ang inaatupag ko. Ngayon lang ako nakakalabas-labas, at hindi pa ako nagsasawa. Kung papasukin ko man ang isang relasyon ngayon (as in ngayon na...), baka isipin mo na pinapabayaan kita. Hayaan mo lang ako, dahil magsasawa din ako.


• MAS MAHUSAY AKONG MAGSULAT KESA MAGSALITA. Kung mahulog ka man sa mga text at email ko, tapos maninibago ka pag magkaharap na tayo, ito ay dahil hindi talaga ako makwentong tao. Lumaki ako na mag-isa sa bahay, kaya di ako sanay na makipag-usap sa ibang tao. Hindi ko alam kung ano ang ikukwento ko. Kaya kung gusto mo akong mag-open up wag kang mahihiyang magtanong. Sasagutin ko naman yun.


• MAY PAGKATACTLESS AKO. Hindi ako barumbado, hindi rin ako bastos. Pero dahil noong bata ako, di ako sanay makisalamuha sa ibang tao, minsan eh hindi napipigilan ang bibig ko ang magkumento. May pagkamanhid ako. Kung di mo sasabihin, di ko malalaman na mali ako. Kaya hindi uubra sa akin yung silent type, dahil hangga't di ko narerealize na may mali ako, hindi kita papansinin.

Hindi ko dinadown yung sarili ko. Alam ko yan ang mga pagkukulang ko. Sinasabi ko lang, para alam mo ang papasukin mo. I'm just laying down my cards for you. Nasa sa iyo kung pano mo idedeal 'to.

Hindi rin ibig sabihin na dahil tinatanggap mo ang mga pagkukulang ko eh hindi ko babaguhin ang mga ito. Ngayon pa lang, tinatry ko nang baguhin yun. Pero dahil nga single pa ako, hanggang listahan na muna. Pero pag may nakilala naman ako na sa tingi ko ay the one na... sigurado akong mag-eeffort na akong magbago. Yung tipong alam ko na maipagmamalaki rin ako.