BAGO MAGTRENTA

Isang taon na lang pala ang nilalabi ko sa 20’s age range. Iniisip ko, dati ang tanda ko na pero wala pa ako masyadong nagagawa sa buhay. Pero ang nakapagtataka ay marami pa rin akong naisusulat dito sa blog ko.

Naisip ko marami na akong nagawa, pero feeling ko marami pa rin akong hindi nagagawa. Marami pa ding hindi natutupad. Madami pang gustong gawin.

Sa susunod na buwan, 29 na ako. Iniisip ko kung ano ba ang gagawin ko ngayong taon. Paano ko susulitin ang huling taon ko sa 20’s? Dapat ba pinuproblema ko ito? At kung meron man akong gagawin, may budget kaya ako na gawin ito?

Pero saka ko na yan pagninilaynilayan. 28 pa rin naman ako. At ito ang mga nagawa ko noong nakalipas na walong taon.

Nagsimula magsulat tungkol sa buhay.
Nasabitan ng gahiganteng medalya dahil mataas ang IQ.
Nagtapos ng kolehiyo.
Naging best man sa kasal.
Nagpaloko sa pag-ibig.
Nabasted.
Nagtrabaho sa call center.
Nagbayad sa panandaliang ligaya.
Naging boss.
Naging speaker sa isang klase.
Nagpaiyak ng madaming buntis.
Nagbuhat ng bangkay.
Naranasang dalhan ng pagkain sa opisina ng taong gusto niya.
Nagsarili.
Pumayag maging kabit.
Nag-out sa mga piling tao.
Nakakilala ng mga panghabangbuhay na mga kaibigan.
Nainlab ng sobra sa di dapat mahalin.
Muntik magpakamatay.
Binitawan ang pagiging boss para magsimula muli.
Bumalik sa mga magulang.
Nagtrabaho ng pang-umaga.
Naterminate.
Nakamove-on.
Naglako ng kung anu-ano sa mga building.
Naban sa building.
Bumalik sa trabahong panggabi.
Nambasted.
Bumili ng gamit para sa sarili.
Nakatungtong ng New Zealand.
Nakaranas ng Winter at Spring.
Nakaranas bumili ng mga pasalubong.
Pumasok sa beerhouse.
Humawak ng dede ng dancer.
Medyo nandiri.
Gumawa ng kalokohan sa banyo sa opisina.
Naharass ng bading sa bus.
Nakipagkilala sa mga kaibigan sa internet.
Nanloko at nangaliwa.
Nagmahal. Nagmamahal.

Madami na yan. Pero parang kulang pa rin. Tingnan natin pagtungtong ko ng trenta.

********************
PS ULIT: Sa mga nagbabasa, early birthday gift niyo na sa akin ‘to. I-like niyo naman yung page ni Gillboard sa Facebook. Pa-click lang ito...

Maraming Salamat!!!