LAGLAGAN II (THE BLOGGERS)

Dahil kakagaling ko lang ng isang bloggers meet-up ngayong gabi, naisip kong ilaglag lahat ng kalaglag-laglag sa lahat ng mga nakilala kong mga kapwa manunulat sa blogosperyo.

Sino kaya ang mga bloggers na may sikretong ayaw malaman ng publiko? Sino ang hindi nagpapakatotoo? Sino ang malibog? Sino ang may hindi ginawang kanais-nais sa kapwa blogero? Sino ang pinakaplastik? Sino ang pinaka-emo sa personal? Ang pinakamayaman? Ang pinaka user-friendly? Sino ang may lihim na pagnanasa kanino?

Simulan na...

Biro lang!!! Wala akong alam. Wala pa naman akong nararanasang ganyan? Wala talaga akong alam.

Wala lang, gusto ko lang kabahan ang mga magbabasa nito.

Syempre Good Vibes tayo ngayong 2011!! Ayaw ko ng kaaway. Peace lang.

**********
Masaya ang simula ng bloglife ko ngayong 2011, dahil umpisa pa lang eh, talagang maganda na ang aking naging karanasan.

Gaya ng sabi ko, galing lang ako sa isang Blogger’s Meet-up sa Metrowalk. Nakilala ko na rin sa wakas ang ilan sa mga bloggers na matagal-tagal ko na ring naging kaibigan dito.

Unahin na natin yung nag-aya ng pagtitipon na si An Indecent Mind. Si AIM na natutuwa ako, at maliban sa s3x, eh nasama kaming mga kaibigan niya sa blogosphere sa kanyang itinerary. Nakatanggap pa ako ng sosyalin na regalo mula sa kanya. At dahil dun, eh hindi ko siya ilalaglag.

Nakilala ko rin si Roanne. Sabi ni Kasintahan ang ganda daw niya. Agree naman ako. Pero bigla akong kinabahan, mukhang gustong bumalik sa pagiging tuwid nitong ni Kasintahan. Nangamba ako ng konti. Di ko alam kung ano yung number mo, Roanne, pero sobrang ikinagagalak kitang makilala. Salamat sa regalo. Ingat ka sa biyahe mo mamaya.

Nakilala ko rin si Salbehe. Ewan ko, pero pinagpawisan ako dito sa babaeng ito. Di ko kinaya ang mga tanong. Nung una, akala ko simple lang, kasi tungkol sa trabaho. Ganun-ganun. Tapos nung nakainom na… ewan ko ba. Natakot ako!!! Promise!!! Uy, pero natuwa ako sa kanya. Yun yung mga gusto kong kasama, walang hiya-hiya. Hindi ka mababato.

Nandun din si Maelfatalis, na masarap ding kausap dahil isa pa itong walang preno kapag magkwento. Ang saya lang. Medyo feeling ko nga, naturn-on si Kasintahan sa mga kwento niya, pero ayos lang.Hindi ako nagseselos. Hahahaha

Andun din sina Yanah at MarcoPaolo. Matagal ko na silang kablog, siguro 09 pa or 08, pero ngayon ko lang nakita. Sa wakas!!! Ang kulit nilang dalawa. Para silang may sariling mundo. Hehehe

And mga bagong kakilala gaya nina Madz at MJ (tama ba? Sorry kung hindi!) na sana’y malaman ko kung ano ang blog.


**********
Meron pa ako siguro dalawang grupo na imimeet sa susunod na linggo. Pagkatapos nun, siguro quota na ako. Nakilala ko na naman halos lahat ng sinusundan ko. Ilan-ilan na lang ang hindi pa.

Yung iba kasi, ayaw daw akong maging kaibigan, kaya hanggang ngayon ayaw pa rin akong siputin. Pero okay lang. Naka-move on na ako. Kahit ang sakit sakit (joke lang).

**********
Sana’y walang naputukan sa inyo noong bagong taon. Saka na yung matinong post. Vacation mode pa ang utak ko ngayon.