HALO HALONG KWENTO

Isang taon na pala akong panggabi. Ano na ba naidulot nito sa buhay ko?

Unang-una naging sakitin ako. Napapadalas ang lagnat ko. Migraine. May bato na ko sa kidney. May mga araw na di na ako masaya.

Pero mahal ko pa rin ang trabaho ko. Sabi nga, dapat the more responsibilities given, mas lalo akong matutuwa. Ibig sabihin, pinagkakatiwalaan ako. Pero di ko alam, hindi ako natutuwa sa mga nagaganap sa opisina.

Dapat maexcite ako dahil sa pagsisimula ng bagong taon next year makakaranas nanaman ako ng isa pang promotion (pag pumasa), pero wala. Parang ayoko siyang dumating. Gusto kong lumipat. Sa ibang schedule. Sa ibang department. Gusto kong mamuhay ulit ng normal.

Napapabukas na ulit ako ng jobstreet na di ko naman gawain.

***************
Marunong nako gumamit ng torrent!!!

Di nako aasa sa officemate ko para sa mga downloads ng mga paborito kong palabas sa tv. Kaya ko na gawin ito mag-isa.

Yay!!!

Natutunan ko ito kay kasintahan. Kaya yiiiiiiiiiii.

Sensya na ha. Tatanga-tanga talaga ako pagdating sa teknolohiya.

***************
Apat na buwan na pala kami ni kasintahan. Sa apat na buwan namin, ni minsan hindi ko pa siya pinapakilala sa inyo.

Di ako magkukwento ngayon, kasi gusto ko pag magpost ako sa kanya yung sa kanya lang wala nang iba.

Minsan nagbabasa siya dito. May mga instances pa nga na nakapagkumento na siya sa ibang post ko.

Pero kung nais niyo siyang makilala, dun sa isang bahay ko, halos isang taon na akong nagkukwento sa kanya.

***************
O siya, saka na ulit ang kwentong buhay ko. Pupunta pa ako ng ospital, baka dengue na ang dahilan ng rashes sa katawan ko.