REMINISCING

Ang sarap magback read sa sariling blog mo. Dahil sa dito nakasulat ang buhay mo, pag binasa mo ulit ang mga dating sinulat mo, magugulat ka kung gaano karami ang nagbago sa buhay mo.

Ang sarap lang magbalik tanaw.

Ayoko ng mga long weekends. Hindi dahil sa ayaw ko ng bakasyon, pero normally, kapag walang nakaplano kapag mga araw na ganito, sa bahay sobrang nabobore ako.

Ngayon, lagi ko nang hinahanap ang bakasyon. Parang ang konti ng 15 available Vacation Leaves. Kagagaling ko lang sa four-day weekend, at kulang na kulang pa rin iyon para sa akin.

Tanginang tag-ulan kasi yan!!! Dinedepress ako masyado... kahit walang dahilan!!! Nyeta..

Ngayon, hinahanap-hanap ko na ang ulan. Hindi lang dahil lumalamig ang panahon kapag may ulan, pero sa di malamang kadahilanan, gusto ko lang siya.

Ayun nga, nung Huwebes, nauto ako ni Kuya salesman na bumili ng DVD player. Wala naman talaga akong balak pa sa ngayon na bumili ng DVD.

Hindi ako nauto ng salesman muli na bumili ng DVD, pero medyo nauto ako ni Ate kahapon na kunin na yung condo unit na malapit sa amin. Di kagaya ng DVD player na di na kailangang pag-isipan kapag gusto mo, ito'y dapat more than three times bago pagdesisyunan.

Kaya ko bang bayaran yung monthly payments. Mabigat sa bulsa ang pambayad dito lalo na't hindi naman kalakihan ang sweldo ko. Tapos kapag nagsasarili nako, marami pang dadagdag dyan. Kuryente. Tubig. Idagdag pa sa ibang binabayaran ko gaya ng internet, cellphone, cable at funeral plan ko. Di siya pang impulse purchase lang.

Yung cellphone naman, sa totoo lang, buong linggo last week ko pinagnanasahan yung telepono na binili ko. Natutuwa ako kasi Qwerty yung phone. Tsaka mura lang.

Noong isang taon, bumili ako ng LG na phone. Ngayon hindi na siya nagagamit. Nagsend na ng message si Sun na tuluyan nang mabubura ang account ko kung hindi ko siya loadan bago mag July 10. Hindi ko na siya ginagamit ngayon. Di ko na nga siya dinadala sa opisina. Ibenta ko na kaya?

You're one of the reasons I'm excited to go home from work. Thinking that there'll be a chance that I'll get to ride with you on my way home is reason enough for me to come to work.

Sulat ko yan para kay Monday. Natatandaan niyo pa ba siya? Siya yung crush ko na palagi kong nakakasabay sa fx tuwing Lunes. Hindi ko na siya nakakasabay ngayon dahil iba na ang schedule ko, kaya tuluyan ko nang hindi nalaman ang pangalan niya.

Hindi ko na rin naman kailangan pang malaman pa ang pangalan niya. May inspirasyon na ako ngayon, di lang pag Monday, everyday pa.