KAPIRASONG LANGIT (KAFFE RAZZO)

Sumilip ako sa bintana at nakita ko ang kotse niya na pinaparada sa harap ng coffee shop na pinalalagian ko. Nakita niya ako, at alam niyang galit ako.

Nagmamadali siyang lumabas at lumapit sa akin.

Hinalikan ako at umupo sa tapat ko. "I'm sorry I'm late, Tracy. Traffic."

"You're always late Ian. You know how important today is..." magsisimula sana akong maglitanya sa mga problema namin sa relasyon namin.

Bigla niyang hinawakan ang kamay ko. "I'm sorry. I'm here na. We'll talk."

Tinawag niya ang isa sa mga crew ng cafe. "Ako na ang oorder para sa'tin okay? Ate bigyan mo ako isang order ng Dory Fish Fillet, padamihan ng tartar sauce, isang order ng Mongolian Rice and dalawang Mango Shake. Yung pinakamatamis na mangga na meron kayo. Thanks."

Nakuha niya lahat ng gusto ko.

Si Ian, ang boyfriend ko. Di man siya perpekto, pero laging napapangiti niya ako.

-Kaffe Razzo

Tikman ang kapirasong langit.

********************

Maraming nakapunta sa soft launch noong Sabado sa cafe ni Kuya Chinggoy na Kaffe Razzo, ilan lang ang naabutan ko dahil maaga akong dumating doon at may lakad pa ako. Pero hindi tungkol sa akin ang post na ito.

Sabado ng umaga nang sa unang pagkakataon sa linggong nagdaan ay nasira ang diet ko. Bumisita ako sa mumunting coffee shop ni Kuya Edsel sa may Sta. Mesa para tikman ang pagkain sa pinagmamalaki niyang negosyo, ang Kaffe Razzo.

Dory Fish Fillet, iced coffee at mango shake lang ang natikman ko, pero sobrang nabusog ako. Normally, hindi ako kumakain ng isda, pero ang sarap nung kinain ko, lalo na kung isasawsaw mo dun sa house sauce nilang may secret ingredient.

Ang maganda sa lugar na ito, dahil sa target market ng lugar, ay lahat ng pagkaing hinahain nila ay kayang kaya ng bulsa. Kung saan ika'y gagastos ng malaki para sa matabang na kape, sa kanila mas makakatipid ka na, masarap pa siya.

Medyo iniba ko konsepto ng post ko kasi alam ko sa mga susunod na araw eh maraming magsusulat para sa'yo. Naisip ko lang kung sakaling lumaki ang business mo ganito concept ng tv ad mo.

Bukas nga pala ang grand opening ng Kaffe Razzo. Matatagpuan siya sa may Sta Mesa paglampas lang ng SM Centerpoint. Sa pagitan ng UERM Hospital at Caltex Station. Para sa mga techie, libreng Wi Fi ang coffee shop na ito.

Kung gusto niyong malaman ang ilan pang detalye tungkol sa Kaffe Razzo, click niyo ito at ito. Marami pang lalabas sa blogosperyo sa mga susunod na araw.

Salamat Kuya Edsel at good luck sa iyong business!!!