ANG AYAW KO SA NANAY KO

If there's anyone worse in singing than my father, it's my mom. Parang kaboses niya si Judy Ann (nasal) na wala sa tono. At isa lang ang alam niyang kantahin... Words ng Bee Gees. Believe me when I say masakit siya sa tenga.

I hate it pag sinesermonan ako niya na mag-ipon. Save for the future. Pag mag-aasawa nako. Pag wala na sila. At pag natapos na siya sa kanyang litanya, manghihingi na yan ng pera para baon niya sa bakasyon niya. Pambili ng hanger. Pampaayos ng gate. At kung ano-ano pa.

Kapag nagkukwentuhan kami niyan. Kahit anong usapan, isa lang ang patutunguhan. Ang pagkabwisit niya sa tatay ko dahil dati napupunta ang sweldo niya sa pagpapagawa ng bahay nila sa probinsya na hindi naman niya napakikinabangan ngayon, at hindi sa amin na pamilya niya. Kahit ang topic namin ay ang nangyari sa Pinoy Big Brother Teen Clash of 2010.

Naaasar ako pag ninanais kong makipagbonding sa kanya (manunuod lang kami ng DVD), tas hindi niya kayang tapusin yung pelikula. 20 minutes into the film, maiistorbo na ang panunuod ko, dahil makakarinig nako ng malakas na hagong ng kanyang mga hilik.

Noong bata ako, sobrang laki ng tampo ko sa kanya kasi kahit may tatay akong OFW, eh hindi ako nagkakaroon ng mga laruan na gaya ng mga kapitbahay kong katulad ko.

Pero dahil sa kanya:

• Natuto akong maging pasensyoso.
• Natuto akong ang pagiging mabuting tao ay magbubunga ng maraming kaibigang magpapahalaga sa'yo.
• Natuto akong makinig.
• Natuto ako na kahit ano pa ang pagkukulang ng mahal mo, pag mahal mo siya, tatanggapin mo ang lahat lahat ng ito.
• Natuto akong makitungo sa mga tao, gaano man kalakas humilik ang mga ito.
• Natuto akong pahalagahan kung ano man ang meron ako.
• Natuto akong mag-ipon para makabili ng kung ano man ang nanaisin ko.
• At marami pang iba.

I love you mom!!!

Happy Mother's Day sa lahat ng inyong mga nanay. Pakihalikan sila para sa akin, dahil hindi ako makakakilala ng mga taong kagaya ninyo kung hindi dahil sa kanila.