ANG SET-UP

Set-ups. Hindi ito yung paraan ng pag-eehersisyo para lang lumiit ang tyan mo. Di na ata yun ang tawag dun ngayon. Crunches na (waleeeeeeeeeeeey!!!).

Ang set-up na pag-uusapan natin ngayon ay ang isang maliit na kumplikasyon sa buhay na malimit ay nagbibigay ng hinanakit sa ating puso. Hindi ito isang relasyon, kundi isang set-up. Gaya ba ng pagpayag maging kabit sa isang may asawa. Pakikipag live-in sa taong alam mong walang balak pakasalan ka kahit anim na ang anak ninyo. Ang palihim na pagtingin sa taong tinuturing mo na best friend mo. Pagbabayad ng mga bading sa mga papa nila para mahalin sila. Fuck buddy.

Walang masama sa pagpayag na maging parte ng isang set-up. Yun nga lang, palagay ko, hindi ito masyadong ideal para sa mga romantikong kagaya ko. Pag binaligtad mo ang salitang to, ang makukuha mong word eh upset... actually putes pero di naman tayo nagpapakaliteral...

Masakit siya sa ulo, para ba kasing wala ka nang pagpipilian. Wika nga sa ingles, you are just settling for what is available, and not what you deserve. Para na ring sinasabing pagiging desperado.

Kung ako ang tatanungin, ayoko ng set-up. Maaaring ito muna ang maging pundasyon ng isang matibay na relasyon, pero kasi parang hindi fair. Dahil sa mga ganitong pagkakataon, isa lamang ang may napapala. At ang isa, maaaring umaasa sa wala.

Mahirap. Masakit.

Lalo na't naniniwala ako na ang bawat isa sa atin, hindi lang ako ay may karapatan na mahalin ng buong buo ng taong mamahalin natin.

Ikaw, papayag ka ba sa set-up lang?