NGAYONG TAON...

Sinisipag akong magsulat sa blog kong ito nitong mga nakalipas na araw kaya medyo napapadalas ang update sa blog na ito. As if naman may pakialam kayo. Pero normally dapat nga ang pagsusulat ko dito eh once a week, pero yun nga, merong mga ideyang pumapasok sa utak ko ngayon kaya eto nanaman ako, kahit di niyo hinahanap, nagsusulat muli.

Ipapagpatuloy ko lang ang aking year-ender post. Marami akong natutunan ngayong taon. At iisa-isahin ko to dito:

• Hindi dahil ang bisita ninyo eh mga foreigner o balikbayan eh ibig sabihin ay mabibiyayaan kayo ng grasya o pasalubong. Meron talagang mga tao na walang ipapasalubong sa'yo dahil nagtatrabaho ka na. Minsan sila pa mang-aarbor ng kung ano-ano sa'yo.
• Hindi dahil mga bumbay ang artista at mukhang Bollywood ang kwento, eh ang pelikula ay panget na (after manuod ng Slumdog Millionaire).
• Walang masamang magsulat ng mga kesong panulat. May mga mambabasa na gustong nakakabasa ng mga ganito. Minsan pa, mapapahulog mo sila sa mga ganito. Yiiii.
• Ang pag-ibig di dapat minamadali dahil mapupunta lang ito sa wala. Panget pag huli mo nang marealize na hindi ka pa handa pumasok sa isang relasyon.
• Kapag may katext ka nang dalawang taon at hanggang ngayon ay hindi pa rin kayo nagkikita, huwag ka nang umasa na may pag-asa pang maging kayo. Kung kayo talaga ang nararapat sa isa't-isa, nung umpisa pa lang magkakilala na kayo.
• Pag ang ex mo biglang nagparamdam sa'yo out of the blue. Hindi yan umaasang babalik ang dating pagtitinginan ninyo. Malamang gusto niyang mangutang.
• Mas matututo kang magtipid kapag wala kang pera.
• Wala kang mapapala kung magpapakabitter ka kapag naghiwalay kayo ng sinisinta mo. Lalo ka lang matatalo kung hindi ka makakaget-over. Mahirap mang gawin pero the best way to deal with a break-up is to move on.
• Nakakagaan sa loob kapag ang kaibigan mong matagal mo nang hindi nakakausap dahil sa isang di pagkakaunawaan ay nagbabalik. Mas tumatatag din ang samahan ninyong dalawa. Wag ka lang magkamaling ulitin yung dahilan ng di ninyo pagkakaunawaan.
• Hindi ka dapat nalulungkot na tumatanda ka na. Dapat pa nga ikaw lalong maging masaya. Mas maraming perks at freedom na kadikit kapag ang iyong edad ay nadadagdagan. Mas marami mang responsibilidad na nakadikit, nasa iyong sariling pananaw din naman yan kung kakayanin mo o hindi.
• At higit sa lahat, narealize ko na hindi ko na kailangan magbago para tanggapin ng iba, hindi ko kawalan kung hindi nila ako gusto. Basta nabubuhay akong walang tinatapakang ibang tao, at mabait akong tao. Yun ang mahalaga.