LONELY BOY CHRONICLES

Nang unang malaman ko na iiwan ako ng mga magulang ko sa bahay namin na mag-isa, ang unang pumasok sa utak ko eh: mabubuhay ang sex life ko!!! May dinedate ako ngayon... may 5-day weekend ako... wala sa Pilipinas ang mga pakialamerong kapitbahay namin... lahat ng puntos para magkaroon ako ng maligayang weekend eh nasa sakin kaya nagbunyi ako.

Kung tutuusin hindi naman ito ang unang pagkakataon na iniwan ako dito mag-isa. Noong isang taon nagbakasyon sa Amerika yung dalawa sa loob ng anim na buwan na dahilan kung bakit iniwan ko ang dati kong trabaho. Sanay na ako.

Yun nga... dapat masaya ako ngayon... pero hindi masyado.

Pagod ako. Di gaya ng dati, na andito ang mga pinsan ko, wala talaga akong kasama na tutulong sakin. Ako ang naghuhugas ng mga plato. Ako ang nagpapakain sa mga aso. Walang magluluto para sa akin. Nauubos ang pera ko kakabili ng ipapakain sa sarili ko at sa mga aso naming maarte sa pagkain. Ako ang magpapalaba sa lahat ng damit ko. Pagkatapos ng linggong ito, wala na akong malinis na underwear!!!

Hindi rin alam ng mga magulang ko kung kailan sila babalik. Malamang sa August daw. Balak nilang pumunta ng Cebu at Samar. Parang andami nilang pera!!! Sigurado rin akong pagbalik nila kung kailan man yun, eh wala akong makukuhang pasalubong. Baka isang balot ng otap.

Anyway, lonely boy chronicles ako ngayon. Hindi ko rin alam kung bakit, pero mas gusto ko ngayong mapag-isa. Noong linggo, andaming gustong iinvade ang bahay namin para magparty, pero di ko pinatulan. Kagabi, gusto ng date ko na magkita kami, pero mas ginusto kong matulog. Masaya ako ngayong nagtatanim ng mga prutas at gulay sa Barn Buddy. Siguro wag na kayong magtaka kung bakit hanggang ngayon single pa rin ako.

Naghahanap ng sosyotain, pero kapag may dumarating, mas ginugusto kong mag-isa.

May kulang yata ang turnilyo ko. Ano ba problema ko?

***********

Si Date... tatawagin kong si Singer. Yan na lang muna... Nasa stage kami ng getting to know each other pa lang naman. Text text... Tawag tawag... Hanging out lang...

Nagkiss na kami. Kaya lang... Wala pang spark... Kunsabagay smack sa lips lang naman yun.

Ang problema... mas gusto kong mapag-isa ngayon... Oo na... asal loser na ako.