KWENTONG KUNG ANU-ANO LANG

Sa tingin ko, nagbalik nanaman sa available ang status ko mula sa dating. Simula nang huli kaming nagkita ni Singer, hindi pa kami nagkakatext o nagkakausap. Sigurado akong wala akong nasabing mali noong huli kaming nagkita, kasi hindi naman kami talaga masyado nag-usap nun.

Marahil nga walang spark.

Minsan tuloy naiisip ko, katawan ko lang ang hanap ng mga ito.

Yak!!!

**********
Noong weekend, naranasan kong maglaba sa unang pagkakataon sa buong buhay ko. Mahirap. Masakit sa likod. Hindi maganda sa pakiramdam ng sabong panlaba, nakakangilo. Inabot ako ng dalawang oras sa paglalaba ng limang pirasong underwear (alam ko too much info).

Mayroon pa akong ilang piraso ng t-shirt, shorts at polo na nakababad. Hindi ko pa alam kung ano mga dapat kusutin sa mga iyon. Kailangan ba yung buong damit? O pwede ba na kahit yung mga gilid lang, kwelyo at manggas?

Malapit ko nang sukuan yang paglalaba na yan. Leche.

**********
Noong Biyernes ngapala, nagpadentista ako. After almost two years, nahawakan ulit ng dentista ang mga ngipin ko. Natrauma kasi ako noong halos dalawang taon na ang nakakaraan nang imarder ng dati kong dentista yung wisdom tooth ko.

Abnormal kasi yung tubo noong dalawang wisdom teeth ko, pagilid imbis na pataas. Yung isa, dahil nakakasakit na ng bibig, eh kailangan kong ipabunot. At dahil medyo aanga-anga yung dentista ko, at dahil na rin ayaw iwan ni wisdom tooth yung gilagid ko, nasira yung katabing ngipin nito. Kaya yung dapat na isang ngipin lang ang tatanggalin, naging dalawa.

Pero di naman ako nagalit, naiintindihan ko, dahil kita naman sa ebidensya (ngipin ko) na ayaw niya talagang iwan yung mga gilagid ko. Yung korte ng ngipin eh parang hook. Tsaka nung tinanggal yun, kita ko pawis na pawis siya. Kaya matagal-tagal din akong nawalan ng lakas ng loob na bumalik sa mga dentista.

**********
Ang kwento ko talaga ay tungkol kay Monday. Kanina kasi, nakasabay ko siya sa FX papuntang Baclaran nung papasok ako. Nakatabi ko siya sa harapan. Noong una, hindi ko siya namukhaan, kasi hindi naman talaga ako tumitingin sa mga nakakatabi ko sa fx. Matagal na rin kasi nung huli kong makasabay sa sasakyan si Lunes. Kung di ko nga siya nakasabay ngayon, malamang nakalimutan ko na siya.

Napansin ko lang na si Monday nga yun, kasi nakita ko yung cellphone na gamit niya. Naaalala ko na yun din yung gamit niya noong huli ko siyang nakasabay, nung nagbabay lang ako sa kanya.

At dahil maysa pagkachismoso ako, sinisilip ko kung sino yung katext niya sa ganitong oras. Mukhang hindi naman boypren dahil walang bahid ng kaswitan sa mga text. Kasi nga, katabi ko siya, mahirap siyang masilip, dahil obvious kung titingnan ko siya, so sa sidemirror na lang ng fx ko siya sinisilip. Alam ko tinitingnan din niya ako. Kahit nakaharap yung ulo niya, nakikita ko ang mga mata niya na gumigilid sa may side ko.

Ewan ko ba, kinikilig ako.