DID YOU MISS ME?!

Nagbabalik ang inyong lingkod mula sa isang linggong self-imposed blog break. Medyo naghahanap lang ng inspirasyon para magsulat. Masyado na kasing napapadalas ang pagsusulat ko ngayon na nauubusan ako ng topic na ikukwento.

So kumusta naman ako? Eto, ayus lang, tumataba ulit. Napapasarap ang kain madalas, pero sabi ko dahil Holy Week ngayon, eh diet muna ako. Medyo matagal-tagal na rin akong natigil sa paggym. Lagi kasing puyat, kakagaling ko nga lang sa sakit, tama na muna yung pagurin yung sarili ko. Tsaka mainit... Dami ko excuses. Basta balik ehersisyo ako, paglipat namin ng building, kasi mas malaki gym dun.

Anyway, marami-rami rin akong ikukwento sa inyo, pero ayokong isang bagsakan lang syang isulat dito, dahil baka maubusan nanaman ako ng maibablog. Uunti-untiin natin. Sa ngayon, siguro ikukwento ko na lang ang mga pinaggagagawa ko habang ako'y naka break. Medyo marami rin kasi yun. Di mo aakalain na ako'y magiging productive na tao kapag walang pinoproblemang blog. Di ko kailangan mag multi-task. Mas focused sa trabaho. Masaya. May kulang, pero ayus naman.

So ano nga ba ang ginagawa ng mga taong naghahiatus? Isa-isahin natin:

• Nagtatrabaho.
• Isang buong araw na nagmovie-marathon.
• Nagpakaadik sa Pet Society sa Facebook.
• Nagreconnect sa mga dating kaibigan.
• Nagtatrabaho.
• Di sinipot ang paanyaya na makipag-inuman sa kaibigang matagal na di nakita.
• Sumakit ang ulo kakapayo sa mga nagliligawan.
• Nakakita ng bagong pagpapantasyahan... yiii kilig... hehehe
• Telebabad.
• Nagtatrabaho.
• Buong araw nag Facebook.
• Kumain ng kumain... ang sarap kumain.
• Nag-iisip ng dahilan para hindi makasama sa company outing.
• Gumawa ng paraan para maging aktibo ang sex life.
• Naglaro ng Xbox.
• Nagplano para sa Singapore trip next year.
• Nagbabasa pa rin ng blog ng ibang mga tao.
• Kinilala ang ilang mga kablog sa pamamagitan ng IM.
• Nagtatrabaho.

Kitams, napakaproductive ko nitong nakaraang linggo. Pero syempre, dahil siguro naging parte ng sistema ko ang pagsusulat, medyo naramdaman kong parang may kulang. Kung alam niyo lang kung ilang beses ko ninais na magsulat ulit dito... Mahirap siya alisin eh. Therapy ko na ito. Pantanggal ng stress. Medyo masaya nga lang, kasi nitong linggo, nalaman kong meron din naman palang ibang magandang paraan para maglabas ng mga problema, di lang sa blog.