25 BAGAY NA BABAGO SA MUNDO MO

Hindi ako tinag nino man, at ayokong hintayin na maitag ako. Gusto ko lang makiuso sa blogosperyo dahil eto eh madalas ko nang nakikita at nakakaaliw talaga siyang basahin. Mas lalo mong nakikilala yung mga nagsusulat nito. Panandaliang aliw lang naman talaga itong mga ito, at gaya ng sinabi ng kaibigan ko sa facebook, makakalimutan niyo rin yung nabasa niyo, kasi sa totoo lang wala naman kasi talagang katuturan to. Unless siguro stalker ko kayo.

Medyo nauuso ito sa facebook ngayon '25 Random Things', at medyo matagal-tagal ko ring hinintay na may mag-tag sakin nito. At kahapon natupad ang pangarap ko. Pero hindi ko ipepaste dito yung ginawa ko, masyado akong conceited kaya may fresh batch of 25 random things about me akong isusulat dito.

1. Likas talaga akong mahiyain to the point na ang tingin sa akin ng mga tao ay suplado ako. Ito ang madalas na first impression sakin ng tao.

2. Hindi ako singer, pero pag nakahawak ako ng mikropono, walang hiya-hiya kakanta talaga ako. Sa totoo lang nalulungkot ako, kapag ipinapasa ko sa iba yung mic.

3. Kapag weekends, kung wala akong lakad, kaya kong matulog ng hanggang 18 hours. Bumabangon lang ako para kumain at magcheck ng email at blog, tapos balik tulog ulit. Oo na, tamad na ako kung tamad.

4. Hindi ako umiinom ng mainit na kape. Ayaw ko ng lasa kahit na sabihin natin na may cream at sugar pa ito. Pero gustung-gusto ko ng mga chilled at iced coffee.

5. Bago ako bumagsak sa call center, pinangarap ko noon na maging piloto, physical therapist, radio dj, manunulat at isang malaking artista sa Hollywood.

6. Kahit matagal na nung ipinalabas yung episode ng Weakest Link na sinalihan ko, hanggang ngayon eh magkakaibigan pa rin kami ng ilang contestant na nakalaban ko.

7. Masyadong seryoso ang tingin sa akin ng mga tao, na di nila alam kung tatawa sila tuwing nagbibiro ako. Isa rin ito sa paraan kung paano ko madaling nauuto ang mga tao na gawin ang mga bagay na wala namang katuturan. For my own pleasure.

8. Lalo akong nalito nang malaman ko na 29000 na lang ang PS3 na may 2 laro at 2 controller!!! Pero mas gusto ko pa rin ng XBox 360 kahit madali itong masira!!! I'm so confused...

9. Sa lahat ng nakalista dun sa exes ko ilang post na ang nakakaraan, isa lang doon ang nagpaiyak sakin. Pero 3 tao pa lang ang talagang nakabasag sa damdamin ko. Lahat sila graduate ng UP.

10. Yung dinedate ko ngayon graduate ng UP.

11. Hindi ako malakas uminom. Dalawang bote ng San Mig Light pa lang tipsy nako. Pero nakakatagal ako ng ilang rounds ng Gran Matador na beer ang chaser at Mindoro Sling.

12. Mahilig ako magblog-hop, at kung anu-anong mga site ang minsan binabagsakan ko ng di sinasadya. Marami palang blog na nagpopost ng porn!!! Pero syempre priority pa rin muna yung lahat ng nasa blog roll ko.

13. Nitong mga nakaraang linggo, napuputol ang tulog ko dahil ginigising ako ng nanay ko para lang manuod ng Tayong Dalawa kasama siya.

14. Madirihin akong tao... ayaw na ayaw kong nakakarinig ng mga kwentong tungkol sa sakit, dugo, sugat, ingrown o kahit anung may kinalaman sa ospital. Yiiii...

15. Hanggang ngayon, kapag napapanuod ko yung scene kung saan niyaya ni Richard Gere si Susan Sarandon na sumayaw sa pelikulang Shall We Dance, hindi ko talaga mapigilan ang lumuha.

16. Isa sa gusto kong maging trabaho nung wala pa akong ginagawa masyado eh maging isang barista. Pero ayaw ko sa Starbucks.

17. Meron akong litrato ng pinsan ko sa wallet ko. Kapag may nakakapansin sa litratong yun, lagi kong sinasabi na anak ko yun na dinala ng ex ko sa Amerika. Madami akong nauto, na hanggang ngayon ay naniniwala paring isa akong binatang ama.

18. Hindi ako palasimba. Pero madalas akong nagnonovena sa St. Jude.

19. Simula nang nagtapos ako ng hayskul, ni minsan di pa ako nakakapasok sa loob ng paaralang pinagtapusan ko.

20. Naging guest speaker ako one time para sa isang graduating class sa San Beda ilang taon na ang nakakaraan. Nagsalita ako tungkol sa lagay ng mga call centers noong panahon na yon. Wala akong naengganyong estudyante na magtrabaho sa larangan na yun.

21. 6 na buwan din akong nanirahan sa Marikina. Sa apartment na tinirahan namin, 2 lang ang kwarto. Lima kami, dalawang magsyota at ako, ang boss nung apat. Ako yung natutulog sa sopa.

22. Malapit nang pumatak ang edad ko sa trenta. Pero hanggang ngayon pumipiyok pa rin ako pag nagsasalita.

23. Hindi ako natatakot na maging 30. Nalulungkot ako na di na ako bata, pero parang excited pa ako na umabot sa edad na yun. FYI mag-27 pa lang ako.

24. Mahilig akong mangulekta ng kung anu-ano. Meron akong koleksyon ng comics, pabango, stamps, alagang hayop, laruang kotse, FHM, at sa maniwala kayo't hindi ballpen.

25. May 1 factoid dyan sa 24 na nakasulat na yan ang hindi totoo. Hulaan niyo kung ano yun!!!