PINOY TV

Matagal ko nang nais isulat itong post na ito. Last month, may isang araw kasi na wala akong ginawa kundi tumutok lang sa mga palabas sa ating lokal na telebisyon. Ang mga napanuod ko dito ay ang nagpatibay sa aking paniniwalang walang kwenta ang mga drama ng channel 7.

Sa mga loyalist pagdating sa so-called network wars, meron din naman akong puna sa mga palabas ng channel 2. Pero itong akdang ito ay in general aking obserbasyon sa local television.

BAKIT DI AKO NANUNUOD NG PALABAS NG MGA KAPUSO

• Naiirita ako sa batang si Daldalita. Wala siyang ginawa kundi magpacute. Feeling ko siya yung tipo na pagdating ng edad trenta ay isip bata pa rin. Mataba at walang lovelife. Ewan ko, pero meron siyang something na nagpapainit ng ulo ko.
• Walang kwentang script at direksyon. Nakapanuod ako ng episode ng panghapong drama nila na di ko maalala yung title. Basta baliw-baliwan si Tanya Garcia. Merong isang eksena dun, may isang artista na nagmomonologue. Sinasabi niya kung ano yung ginagawa niya. "Uupo muna ako. Dito ko siya hihintayin." Hello!!! Obvious naman, di mo na kailangan sabihin. Kakaasar.
• Ang lamya umarte ng mga bida. Ang OA ng mga extra. Palabas sa FX yung serye ni Roderick Paulate. Hinuli siya ng pulis kasi nawala niya yung anak niya. Bigay na bigay yung pulis sa akting ng paghuli kay Roderick habang si Mark Anthony nakatanga lang. Mas magaling pa umarte yung teatro sa hayskul namin.
• Nawala ang common sense sa mga tao. Hindi ko alam kung pinapantay lang ng GMA yung logic nila sa target market nila, pero may mga eksena talaga na minsan di ko alam kung may common sense ba talaga yung mga karakter sa palabas nila. Gaya ng example sa taas, mas inintindi nila yung paghuli kay Roderick kesa paghanap dun sa nawawalang bata. Nakita na nga nilang ibang bata yung bitbit nung tao, di pa rin naniwala na nawala niya yung bata.

PARA NAMAN PATAS SA CHANNEL 7

• Hindi rin naman perpekto ang Channel 2. Minsan ay nagkakasala din sila sa mga puna ko sa kabilang istasyon. Kaya lang ang problema ko sa mga drama ng dos ay iisa lang ang tema ng lahat ng kwento nila. Nawawalang kapamilya. Gitna lang talaga ang aabangan mo, dahil generic ang opening at ending ng mga kwento nila. Origin ang umpisa. Kidnapping/Hostage-taking ang katapusan.
• Kailangan nilang mangumpitensya sa Fantaserye. Hindi naman kailangan. Ang panghatak nila sa publiko yung mga kakaibang ideya nila at yung husay ng mga artista. Wag na sana sila mangumpitensya sa mga walang kwentang pantaserye dahil unang-una ang pangit nila gumawa ng special effects. 

May mga puna pa ba kayo sa mga tv shows ng mga Pilipino?