ONLINE LANDIAN NG MGA MAY KASINTAHAN

TANONG: Ano ang opinyon ninyo sa online landian ng may mga kasintahan?

Hindi naman sa nagpapakabitter ako dahil hindi ako nilalandi ni Kasintahan Online. Well, hindi niya talaga ako nilalandi. Period. Pero pansin ko, meron talagang mga tao na di mapigilan ang sarili makipaglandian sa kanilang mga kasintahan online.

Epekto ito siguro ng Facebook/Twitter Generation. Wala ka nang maitatago sa publiko. At kung papansin ka, lahat ay maaari mo nang ilabas.

Sa una, pag nakakakita ako nito, medyo cute. Tipong, awwww ang sweet. Pero kung tipong everyday, three-four times a day ka magpakita ng ginagawa at natatanggap mo sa syota mo, diba parang OA na yun?

Masarap ang keso, pero pag nasobrahan tayo dito, diba minsan medyo nakakaumay din siya?

Nung binato ko 'to medyo bumalik sakin kasi habang tinatype ko 'to sabay tinatamaan din ako. In fairness naman sakin, di ko naman to gawain sa Facebook. At sa blog naman, di nako masyado nagsusulat din tungkol kay Kasintahan. So medyo nakakailag naman ako kahit papaano.

Ang pakiramdam ko, sa umpisa ginagawa ng tao ito para magpapansin. "Uy, tingnan niyo ako may syota na ako. At ang sweet namin! Mainggit kayo! MAINGGIT KAYO!!!" Kaya lang, a few weeks/months later, magugulat ka na lang na biglang papasok sa News Feeds mo, "X changed his status from In a Relationship to Single."

Anyare? Akala ko ba mas matamis pa kayo sa semilya ng diabetic na pag tinapon sa basurahan ay agad pinagpipiyestahan ng mga langgam? Akala ko ba siya na yung the one? Diba one time sinulat mo pa nga, tamod niya lang ang kaya mong lunukin? Anyare, pre?!

Para sakin medyo nakakahiya magpaliwanag kung bakit di nagwork-out yung relationship. Hindi sa iniisip kong hindi magwowork-out yung relasyon, pero kung sakaling dumating yung panahon, alam mong walang matatawa sa'yo sa likod mo. Pagdating sa hiwalayan, ang isa sa pinakamahirap gawin ay ang magpaliwanag sa mga tao kung bakit hindi na kayo.

Sa totoo lang, wala naman masama na ihayag mo sa worldwide web ang pagmamahal mo sa isang tao. Sweet nga yon eh. Pero hindi maiiwasan na merong mga tao ang hindi makakatanggap sa ganito. Bagong bersyon ng PDA. Meron at meron talagang mga tao ang hindi natin maiiwasan na magtaas ng kilay. Lalo na kung talamak kang magpalit ng relationship status.

Ewan ko, sa akin lang naman ito, pero it's either nagyayabang ka lang or nagpapapansin.

Buti na lang wala akong twitter. Siguro marami na akong kaaway ngayon dahil sa mga iniisip ko.

Kung talagang masaya ka sa piling ng mahal mo, di mo na ito kailangang ipangalandakan online. Makikita sa mukha mo, sa kilos mo, at madaling mararamdaman ng mga tao ito. Di mo na kailangan sabihin ito, dahil ang mga nasa paligid mo ang unang makakapuna nito.

***************
DISCLAIMER:
Di ito tungkol sa mga blog post na kakesohan. Tanggap ko na yan. Sanay na ako dyan. Gusto ko pa nga ang mga yan. Nakakakilig yan. Minsan, naging ganito na rin ako.

Ang pinatatamaan ko dito ay yung mga mahilig mag status update sa facebook/twitter ng lahat ng detalye ng kanilang relasyon. Oo, pati yung pagswallow ng cum. Merong ganun. Gaya ng sabi sakin, walang basagan ng trip, malaya akong iblock ang mga update nitong mga ito kaya lang, baka wala nanaman akong maisulat.

Ang maganda sa blogging ay malaya tayong lahat ilabas ang opinyon tungkol sa kahit anong bagay. Kung sang-ayon kayo o hindi, malaya din kayong ihayag ito. Naniniwala akong doon tayong lahat natututo.