THE DEVIL'S ADVOCATE

Noong nakaraang mga taon, meron akong pakulo dito na tinatawag kong, Battle of the Sexes. Dito pinagsasabong ko kung sino nga ba ang mas magaling, ang mga babae o ang mga lalake? Marami akong natutunan noon, lalo na sa sarili ko. Kung gaano ako kababaw, at kung gaano kadami ang hindi ko nalalaman tungkol sa buhay.

Tutal bagong taon na at bagong henerasyon na ngayon ng mga manunulat ang nagkalat sa world wide web, naisip ko, kung may nagbago nga ba sa paningin ng mga tao tungkol sa ilang aspeto ng mundo. Unahin natin ang blogging.

Nagmature na nga ba ang mga manunulat? Sino ang mas magaling, mga babaeng bloggers o mga lalakeng bloggers?

LALAKENG BLOGGERS:
PROS
- Maraming blog na sulat ng mga lalake ang masarap basahin kasi relevant. Maraming makabayan, pero magaan basahin, hindi nakakatamad.
- Karamihan sa mga lalakeng blogger eh creative. Kanya-kanyang gimik sa pagsusulat na hindi nakakasawang balikan.
- Kapag ang lalakeng blogger nagsulat ng post na may puso, talagang maaapektuhan ka. Rare lang ang lalakeng nagsusulat ng may puso.
- Ang lalake kapag nagsusulat, madalas KISS (Keep It Short and Sweet).
- Madalas ang mga blog ng mga lalake nakakatawa. Pantanggal stress.

CONS:
- Ang kaso lang, ang daming blog na naglipana na clone ni Bob Ong.
- Pag nakakahanap ka ng mga nag-aaway sa blogosperyo... madalas ito'y sa pagitan ng dalawang lalakeng bloggers.
- Hindi mo alam kung sinong lalakeng blogger ang tunay na lalake.
- Ang daming blog ng mga lalake, walang kwenta... ginagawa lang ang blog na business.
- Mga lalakeng blogger ang nagkakalat ng mga tag na post. Minsan wala ring kwenta.
- Kapag ang lalakeng blogger nag-emo, mas malala pa sa mga babae. Yung tipong iaannounce na sila ay suicidal. Eh ang babaw lang naman ng dahilan ng pagiging emo nila.

BABAENG BLOGERS:
PROS:
- Ang mga babaeng blogger, pag nagsusulat nararamdaman mo talaga ang mga emosyon nila.
- Napakacreative ng mga babaeng bloggers, lalo na sa paggawa ng mga tula.
- Hindi man marami, pero kapag ang isang babaeng blogger nagpatawa. Iba. Kakaiba ang comedic timing ng babaeng blogger.
- Marami kang matututunan sa paghandle ng mga relasyon mula sa mga babaeng blogger.
- Generally, ang mga babae, pag nagbablog dahil alam mong matalino sila, at ang mga sinusulat nila, it makes sense. Naiintindihan mo ang punto nila.

CONS:
- Kaya lang, ang mga babae pag nagsulat NOBELA!!! Ang haba.
- Kung gusto mong madepress, magbasa ka ng blog ng babae, dahil madalas puros reklamo o problema ang sinusulat nila.
- Kung lalakeng blogger ka, mahihirapan kang makarelate sa ibang blog ng babae, dahil puros kakikayan lang ang nakasulat sa mga blog nila.
- Maraming nanay na blogger na ginagawang business ang blog nila. Magpopost ng mga picture ng anak nila, tapos yung sunod na post, yung binebenta nila.
- Kung ang mga lalake ang nagkakalat ng mga tags, ang mga babae kadalasan ang gumagawa nito.

O ayan, general observation ko lang yan. Agree kayo? Disagree? Ipaalam ninyo. Discuss.