EYE BALLS

Hindi ako mahilig makipag-eyeball sa mga nakikilala ko dito sa blogosperyo. Sa limang taong pamamalagi ko dito, siguro hindi lalampas sa bilang ng daliri ko sa kamay at paa ang aking mga nakita ng personal.

Ang mga sumusunod, ay ang mga natutunan ko sa mga nakilala ko ng personal over the last year kung kelan ako nagsimula na makipagkita sa mga binabasa ko at bumabasa sa akin.

• Masaya makipagkita sa mga bloggers, kasi kahit ni minsan ay di pa kayo nagkikita ay walang epekto yun dahil kahit ganun, sa kakabasa sa kanila eh parang matagal pa rin kayong magkakakilala.
• Merong mga blogger na mas cute sa personal kesa sa mga litratong pinopost nila.
• Mahirap makipagmeet ng maramihan, merong mga taong gusto mong makilala, pero di mo makakausap.
• Ang kulit ng mga taong lasing.
• Ang dami na talagang nakilala ni Jepoy (lolz).
• Wag mag-expect masyado pag may mamimeet ka. Minsan kasi pag nagbabasa tayo ng mga blog, meron tayong naeenvision na hitsura o ugali ng isang blogger, pero pag nakilala mo na, ibang-iba siya sa mababasa mo. Baka madisappoint ka lang.
• Masaya sumali sa mga Grand Eyeball, makikilala mo yung mga blogger na dati’y binabasa mo’t nakalimutan mong binabasa mo pala sila noon.
• Kahit di ka nainom masyado, sumasarap ang lasa ng beer (at ng kape) lalo na kapag libre!!!
• Mayaman si Jepoy.
• Di kami magkahawig ni Gasul. Nakakahiya naman sa kanya. Pogi yun. Ako boy next door lang.
• May mga mamimeet ka na dahil di mo sila kilala hindi mo alam kung ano ang sasabihin mo sa kanila.
• Masaya man ang mga GEB, medyo mahirap din kasi hindi naman lahat ng blogger kilala mo, at hindi lahat binabasa mo. Minsan mahirap makarelate.
• Birthday ni Jepoy ngayon.
• Syempre,

Noong nakaraang Sabado, marami sa mga binabasa at sinusundan kong blogs ang nakilala ko. Nagpapasalamat ako sa nag-organize ng meet-up at kundi dahil sa kanya, hanggang ngayon tatlong bloggers pa lang ang nakikilala ni Gillboard.

Kaya maraming salamat Gasul. Ingat sa byahe. Hanggang sa uulitin!!!

But the real reason why it's great to finally meet your fellow bloggers: these are moments where you're no longer just readers, you become friends.