BLESSED

Ang sabi noon kapag mabuti kang tao, lahat ng biyaya ay ibibigay sa'yo. Naniniwala ako doon. Hindi ako perpekto, marami akong kalokohan sa buhay ko. Pero in general, sa tingin ko, namuhay naman ako bilang isang mabuting tao.

Sa tingin ko nagbunga naman ng maraming magagandang bagay ang pagiging mabait ko. Nagkaroon ng kaunting karangalan. Nakuha ang mga naging pinagpaguran. Nakakilala ng mga mabubuting kaibigan. Sa madaling salita, maayos ang aking naging pamumuhay.

Naging mabait ako sa aking buhay. Pero kumpara sa iba, hindi ako ganun kabuti. Hindi ako sumasali sa mga volunteer work. Minsan pag may nagbabangayan, ako'y may kinakampihan. Madalas tarantado ako. May mga pagkakataon, nagiging bastos ako sa mga magulang ko. Hindi ako perpekto. Madalas pa nga, ako ay gago kaysa nagiging santo.

Gayunpaman, hindi pa rin ako napapabayaan. Marami pa rin akong biyayang natatanggap. Tanong ko sa sarili ko, 'do I deserve this?' Sobra sobra ang natatanggap ko paminsan. Kaya ang laki ng takot ko baka bawiin na lang sa akin lahat ng iyon sa isang iglap. Bigla akong magising at mawala silang lahat.

Alam ko madalas sobra ang aking natatanggap kumpara sa aking binibigay. Pero malaki ang pasasalamat ko at kahit papaano, malakas pa rin ako sa taas.

I know sometimes I don't deserve the things I get in my life. Pero hindi ko yun kinukwestyon. Ang tanging magagawa ko lang ay patunayan sa sarili ko, sa taas at sa mga tao na ako'y nararapat na makakuha nito. Pinagbubutihan ang trabaho. Binabalik ang mga binibigay ng mga minamahal ko. Nagiging masaya at kuntento.

Mabuti akong tao. Kaya ngayon ako'y kumpleto.