HOW TO HAVE A SEX LIFE

So napatingin kayo ngayon. Mapaghahalata kung sino ang mga malilibog dito sa blogosperyo. Sa totoo lang hindi talaga ito tungkol sa sex. Ito'y tungkol talaga sa relihiyong Muslim. Biro lang ulit. Wala lang talaga ako maisip na titulo para sa post na ito. Wala nga akong maisip na maisulat ngayon. Hindi ko nga alam kung bakit ako nagsusulat ngayon.

***********
Ah, ikukuwento ko na lang yung nangyari samin ni Date. Kung napapansin niyo, huli kong sulat tungkol sa kanya eh noon pang balentayms. Lately ko lang narealize na meron palang nangyari dun na sa tingin ko eh hindi maganda para sa kanya.

Noong huli kasi naming date, bago kami makipagkita sa mga kaibigan niya, nakapagbonding kami na kaming dalawa lang. Hindi sex ha!!! Nakapag-usap ng masinsinan. Di ko na maalala yung mga salita ver batim pero may pagkaganito yung takbo ng aming usapan...

DATE: Gillboard, feeling ko nagtrip ikaw sakin.
AKO: Huh?
DATE: Lam mo kasi, I feel na I'm talking to 2 different people. Iba yung Gillboard na nakakausap ko sa phone or sa text, and iba rin yung nakakaharap ko.
AKO: Dahil ba tahimik ako pag kasama kita, ganun ba yun?
DATE: Exactly! Sa phone, ang kulit kulit mo, and sa text ang bilis mo magjoke. Pero ngayon, I don't know, you seem aloof. Yun nga, you're like a totally different person.
AKO: Mas boring ba? (awkward na ngiti)
DATE: I'm not saying that... I guess I'm just not used to it. Alam mo yun?
AKO: Sobrang polar opposite ba?
DATE: Yeah, di naman kaya may split personality ka?
AKO: Uy, hindi ah!!! Last time I checked, matino pa naman katauhan ko...
DATE: (ngiti lang)

Nuod lang kaming dalawa ng mga nagdedate sa Harbour Square. Yung mga ayaw makisali sa mga taong lumalabas kapag Balentayms.

DATE: You know, I really don't feel yung mga couples na PDA masyado. Parang they should just get a room or something...
AKO: Yeah? Ako din, tapos ayaw ko pa na pumupunta dun sa mga hang-outan ng mga magsyota. Pwede namang sa bahay lang. Pinoproblema ko pa kung san ko ilalabas yung date ko. Tapos gagastos pa ako. Hay.
DATE: (nakatingin lang sakin)
AKO: (narealize na date nga pala yung labas namin)
DATE: So you can say at this point in your life, you're not ready for a relationship?
AKO: (matagal na nag-iisiip... sa totoo lang gusto ko sabihin na hindi.. pero) Yes.
DATE: Yes... you're ready or -
AKO: Yes dun sa tanong mo - na di pa ako ready for that. I mean ngayon pa lang ako talaga nag-eenjoy. Alam mo yun? The last three or four years, puros trabaho lang inaatupag ko. No social life, work at bahay lang. Tapos ngayon lang ako nakakalabas-labas. Gusto ko muna ienjoy yun before magpatali ulit... sa isang tao.
DATE: Mmmmmm... okay.. If you say so (sabay higop sa lemonade)

Tingin-tingin ulit sa mga nagdedate. Ilang minuto after nagtext na yung friends niya na imimeet namin. Umalis kami agad.

**********

Ngayong binabalikan ko yung nangyari, sa tingin ko may nasabi akong di maganda kaya't medyo naging busy sa trabaho si date. Di sa nagiging assumptive ako, pero baka nagpaparamdam na siya nun, tapos binara ko agad with my statement.

In my defense, usapan naman namin talaga eh friends lang. Di naman ako nagpapasweet pag nag-uusap or text kami... nangungulit lang. Malay ko ba, na nakakahulog ng loob yun diba? May balak ba akong habulin siya? Hindi ko alam. Nagtetext pa rin naman ako. Pero sa totoo lang, kung di ako nag-iisip ng maisusulat kanina, di ko siguro siya maaalala. Ang sama ko ba?

Pakisapak na lang ako pag may mababasa kayo dito na naghahanap ako ng love life.

Dapat palang title nito... HOW TO NOT HAVE A SEX LIFE!!!