BATTLE OF THE SEXES: SPECIAL EDITION

Actually, ang totoo niyan, wala lang talaga akong maisip na title para sa post na ito na maikli. Mahahaba an naiisip kong title. At dahil tungkol ito sa mga makabagong kalalakihan at kababaihan, eh naisip kong ilagay ito sa ilalim ng Battle of the Sexes banner.

Dahil special edition ito, hindi ito talaga yung tipo na paglalabanin ko ang dalawang kasarian katulad ng mga nakaraang BOTS posts. Dalawa lang naman ang tanong ko ngayon...

BUHAY PA BA SI MARIA CLARA?
AT MAY MGA LALAKING TUNAY NA MAGINOO PA BA TALAGA?

Ang Pilipinas sa matagal na panahon ay kilala bilang isang konserbatibong bansa. Pero ngayon, napapansin ko na ang pagiging konserbatibong ito, lalo na sa mga taong kaedad ko, eh lubusang nawala na. Sa totoo lang, matagal ko nang napansin na wala na talaga, ngayon ko lang naisip na isulat.

Mangilan-ngilan na lang talaga ang mga taong naniniwala na ikakasal muna sila bago talaga ibigay ang kanilang sarili sa mahal nila. Minsan nga, naiisip ko ang mga taong ganito na lang mag-isip eh yung mga taong panget na walang pag-asang makahanap ng syota... Pero naprove na akong mali iyon.

Hindi sa mababa ang tingin ko sa mga taong handang maghintay, actually saludo ako sa kanila, dahil kaya nilang makatiis ng walang nangyayari sa kanila kahit na ang lahat ng makikita mo sa paligid eh puros suggestive sa sex. Naisip ko, kung nagsasariling-sikap ba sila?

Itong mga batang ito ba, lumalabas pa para makipag-date. Sa sobrang advanced ng teknolohiya natin ngayon, marami pa bang dumadaan sa mga ganung ritwal, o dumidiretso na sila sa kwarto pagkatapos magkita? Kinikilala pa ba nila ang mga kinakasama nila?

Naisulat ko ito, dahil ang isa sa mga pamangkin ko eh nabalitaan kong nahihilig nang makipaglaro sa mga babae. Kakatungtong lang niya ng katorse ngayong taon kung hindi ako nagkakamali. Ayokong makialam dahil hindi kami gaanong close nitong batang ito. Pero nakakagulat lang talaga. Kunsabagay, halos ilang taon rin lang naman ang naging lamang ko sa kanya nung una akong nagkaroon ng karanasan.

Hindi ko alam kung kasing-edad niya ang babae, pero feeling ko kung ganun man ay maling-mali. Sa pagkakaalala ko sa mga kapitbahay namin, noong mga kaedad namin sila, eh puros laro pa ang mga ginagawa namin. Mas bata man kami nang makakita ng mga video at litrato ng mga nagtatalik, eh hindi pumasok sa isip namin na gawin iyon (well syempre hindi sa isa't-isa). Pag nag-uusap kami nun, tungkol sa kung ano ang usong pelikula, sapatos, damit, mga laro. Pero ngayon, ang mga bata iba na.

Pagtanda kaya ng mga batang ito, eh matututo silang maging maginoo? Sa panahong iyon ba, eh may babaeng Maria Clara pa? Sobrang tanda ko na ba, at namamangha ako sa mga napapansin ko?

Ewan ko ba. Ngayon, dalawa lang ang kakilala kong nasa age range na 21-25 na birhen pa. At least sila lang ang honest na nagsasabing wala pa silang karanasan. Lahat ng kakilala ko eh naging maligaya na at one point in their life.

Ang babata na kasing magsimula maging aktibo ng mga tao ngayon. Ganun din naman siguro noon, pero dahil laro pa ang inaatupag ko, kaya siguro hindi ko siya napapansin. Noong nasa kolehiyo ako, nagugulat ako, noong tumatambay kami ng mga kaklase ko sa may yosihan na may mga high school students na tahasan kung maghalikan sa mga corridors. Take note, ang San Beda noon ay all-boys pa. Parang, sa liit nung mga batang iyon, naisip namin, kung tuli na ba yung mga yun, at ang lakas ng loob nilang gawin ang mga yun.

Ayokong mangaral dahil wala naman akong karapatan. Unang-una dahil ginagawa ko rin naman yun. Ang kaibahan lang naman, eh noon mahabang proseso ng pakikipagdate ang ginawa ko, bago ako nakahome run. Although di na masyado ngayon... hehehe. Hence, the question.

Siguro, naiinsecure lang ako, at baka maunahan pa akong magkaanak ng pamangkin ko. Shet, pagnagkataon magiging lolo na ako!!! Siguro, kelangan kong makealam sa batang ito... Sa totoo lang, may pamangkin na akong may anak na... Pero mas matanda siya sa akin. Tsaka medyo malayong pamangkin ko yun. Pero pag itong pamangkin kong binata ang nagkaanak, yun ang hinding-hindi ko matatanggap!!!